B67-ip Bankiviullu aningaasaliineq pillugu isumaqatigiissutertik sivitsorpaat
Bankiviup Nuummi timersoqatigiiffimmut futsalimi/isikkamik arsaannermi ingerlalluaqisumut B67-imut pingaarnertut aningaasaliisuunini sivitsorpaa. 2022-mili Bankivik pingaarnertut aningaasaliisuusimavoq, maannalu isumaqatigiissut 2027-mi maajip tungaanut sivitsorneqarpoq. B67-ip Bankiviullu suleqatigiinneq assorsuaq naammagisimaarutigisimavaat, B67-illu meeqqat inuusuttullu akornanni sullissilluarnerata tapersersueqataaffiginissaa Bankivimmit nuannaarutigineqarpoq.
”B67-imi suliat ingerlanneqartut ajunngeqaat, piginnaanilinnik inerisaaneq ingerlanneqartarpoq, aammali meeqqat inuusuttullu akornanni suliaq inuiaqatigiinni assorsuaq pingaarutilittut oqaatigineqarsinnaalluni. Isikkamik arsaannermik ilinniartitsinerit (fodboldskole), aaqqissuussinerpassuillu allat meeqqat inuusuttullu ataatsimoorfissaannik pilersitsisuupput, tamannalu assorsuaq tapersersorusupparput. Ukiuni qaangiuttuni pingasuni suleqatigiilluarsimanerput nuannaarutigaarput, ukiullu tulliuttussat marluk aamma qilanaaralugit,” Pia Holm Jensen Bankivimmeersoq oqarpoq.
B67-ip siulittaasuata Jimmy Holm Jensenip siulersuisunullu ilaasortap Kim Holmgaard-Christensenip aamma pingaarnertut aningaasaliisussamik isumaqatigiissutip sivitsorneqarnera nuannaarutigaat.
”Ukiuni kingullerni pingasuni pingaarnertut aningaasaliisorput suleqatigilluaqisarput assut nuannaarutigisimavarput. Futsalertartutsinnut, arsaattartutsinnut, unammisitsinernut aaqqissuussinernullu allanut tapiissutit tamaasa assut nuannaarutigisarpagut, suleqatigiinnerpullu manna ingerlatiinnarusullugu. B67-imi ilaasortat iluarusunnissaat aammalu piginnaanilinnik ineriartortitsineq attatiinnarumallugu pitsaasumik sinaakkusersuerusuppugut, aammalu inuiaqatigiinni nuannersumik ataatsimoorfeqarnissaq pingaartitaralugu, tamakkulu Bankiviup kissaataannut tulluarput,” Jimmy Holm Jensen, B67-ip siulittaasua, kiisalu Kim Holmgaard-Christensen, siulersuisunut ilaasortaq oqarput.
Aningaasaliinissamik isumaqatigiissut 2025-mit 2027-mut atuuttuuvoq, piffimmilu tassani Bankivik B67-ip futsalertartuinut arsaattartuinullu holdinut tamanut pingaarnertut aningaasaliisuussalluni.