Qanoq soraarnermusiassanut kontomut ikisisinnaavunga?
Soraarnermusiassanut kontomut ikisineq pillugu ilitsersuummut tikilluarit. Soraarnermusiassanut kontomut ikisiniaraanni akissarsiassanut allattorsimaffimmik (lønlistemik) pilersitseqqaartarput. Taamaammat ilitsersuummi uani akissarsiassanut allattorsimaffiit pingaarnertut sammineqassapput.
Ilitsersuut una SISA-mut nuussinernut atuutinngilaq.
Ima aallartissaatit
- Netbankimut iserit
- Sullitatut isumaqatigiissut (brugeraftale) pineqartoq toqqaruk
Akissarsianut allattorsimaffiit nanikkit
- “Menu” tooruk
- “Betalinger” tooriarlugu “Lønliste” tooruk
Akissarsiassanut allattorsimaffiliorit
- Toortagaq tungujortoq “Opret lønliste” tooruk
- Isumaqatigiissut nuussinermi tigusiffiginiakkat toqqaruk
- Akissarsiassanut allattorsimaffik tulluuttumik atseruk
- “Type overførsel”-ip ataani “Pension” toqqassavat
- Toortagaq “Opret” tooruk
Akissarsiassanut allattorsimaffik toqqaruk
- Akissarsiassanut allattorsimaffik pilersissimasat toorukku ingerlaqqissaatit
Tigusisussaq pilersiguk
- Toortagaq “Opret modtager”-imik allaqqasoq tooruk, immersugassallu nuippata immersorlugit.
- Modtagernavn = Tigusisussap aqqa
- Modtagerbankens registreringsnummer = Tigusisussap bankiata registreringsnormua
- Beløb = aningaasat amerlassusaat
- Valuta = nunap sorliup aningaasaatai
- Inuit arlallit tigusisussatut inissinniarukkit krydsiligassaq ‘Tilføj flere modtagere’ krydsilissavat.
- “Tilføj” toorlugu ingerlaqqissaatit
Suliassanngortiguk – Læg i aktiviteter
Toortagaq “Læg i aktiviteter” tooriarlugu immersugassat immersukkit:
- Fra konto = Kontomit uannga
- Dato – Ullulernera uunga allassavat, siumut ullulersinnaavat taamatullu nuussinerup pinissaa siumut aalajangiutereerlugu
- Besked til modtager = Tigusisussamut nalunaarut
- “Summering”-ip ataani aningaasat pineqartut amerlassusaat takusinnaavat
- Igalaasaq nuippat toortagaq “Læg i aktiviteter” toorukku ingerlaqqissaatit
Mitid atorlugu nuussineq akueriuk
- MitID atorlugu akueriniarukku “Aktiviteter” tuussavat
- Periarfissat assigiinngitsut nuippata “Betalinger” tuussavat, kingornalu nuussineq pineqartoq toqqarlugu
- Nuussineq akueralugulu inaarniarukku “Godkend” tuussavat, taava MitID atorlugu akuerissavat
- Maanna aningaasat nuunniakkatit soraarnermusiassanut kontomut nooreerpatit. Nuussinerit allattorsimaffianni nalunaarsorsimasoq takusinnaavat “Kontooversigt”-ip ataani
Akissarsiassanut allattorsimaffimmut iserasuartaatiliorit
Soraarnermusiassanut kontonut nuussigajuttarpit? Akissarsiassanut allattorsimaffimmut iserasuartaatiliorsinnaavutit, Netbankinnut iseraangavit saqqaaniittartussamik. Toortagaq “Genveje” tooriarlugu “Lønliste” qineruk.
