Avammut tunisassiorneq
Suliffeqarfimmi ineriartorneq anguniarlugu avammut nioqqutissiorniaruit pissutsit atuuttut ilisimalluartariaqarpatit - nunami niuerfiginialikkanni pissutsit, aammalu nunani tamalaani niuernikkut pissutsit.
Kulturit assigiinngitsut
Kalaallit Nunaanni sullitat nunanilu allani sullitat piumasaqaataat assigiinngitsorujussuusinnaapput. Taamaammat nioqqutigisatit sullissinitillu nunani allani qanoq nalilersorneqarnerat allarujussuusinnaavoq. Nittarsaasseriaatsit Kalaallit Nunaanni iluatsilluartut ilaannikkut nunani allani atorneqarsinnaaneq ajorput. Kulturi apeqqutaalluni oqariartuutit assigiinngitsut assigiinngitsorujussuarmik paasineqarsinnaasarput.
Avammut tunisassiornermi siunnersuutit
- Avammut tunisassiornermi periutsit inatsisillu suliarisassannut attuumassuteqarsinnaasut misissorluakkit
- Avammut nioqqutissiornermi aporfiusinnaasut paasiniakkit, anigornissaannullu periarfissarsiorlutit
- Avammut nioqqutissiornissamut periarfissat assigiinngitsut nalilersukkit, illillu suliffeqarfiutinnut piukkunnarnerusut toqqarlugit
- Nioqqutissiorfiginiakkannik ilisimannilluartunit siunnersorteqarlutillu suleqateqarit
- Nunani tamalaani niuerneq eqqarsaatigalugu unammillersinnaalluartumik sullisseriaaseqartuaannarit
Aalajangersimasumik pilersaaruteqarnissaq
Nunani tamalaani niuernikkut angusarissaarniaruit ingerlarngata pilersaarusiorluaqqissaarnissaa pingaaruteqarluinnarpoq. Taamaattumik nunanit allaneersunik niueqateqarnissanni angusarissaarnissannut iliuuserisassatit alloriarnissat tamaasa pilersaarusiorluakkit.
Nunani tamalaani niuerneq nalorninaatitaqangaatsiarsinnaavoq, tassuunali ikiorsinnaavatsigit. Pisariaqartitatit aningaasalersorneqarnissamullu periarfissatit misissoqqissaassavagut, nalorninaatillu annikillisarlugit siunnersorlutit.
Suliffeqarfiutivit sullinneqarnissaanut periarfissat paaserusuppigit?
Uunga sianerfigitigut