Suliffeqarfimmik tuniniaaneq

Ullutsinni aningaasaqarnikkut pissutsit aallaavigalugit suliffeqarfippassuit pisiarerusunneqarnissaat naatsorsuutigineqarsinnaavoq. Pisisut tassaasinnaapput aningaasaateqarfiit, unammillertit allalluunniit niuerfigisassinnut appakaakkusuttut. Taamaammat suliffeqarfiutivit qanoq naleqarnera, qanorlu nalittorsarneqarsinnaanera eqqumaffigeqqunarpoq.

Piareersimagit

Pisisussat suliffeqarfimmik soqutiginnikkaangamik siunnersorteqarneq atugarisarpaat, soorlu revisorinik. Taamaattumik pappialarsornikkut piareersimatitassat tamaasa pigereerukkit iluaqutigissavat. Pingaarnertut isiginiarneqartartut tassaapput suliassanut pilersaarusiaqarneq - pingaartitat, anguniakkat, siunissami periarfissat nalorninartullu allaganngorlugit piginissaat. Suliffeqarfimmi periutsit aamma allaganngorlugit pigigussigit iluaqutaassaaq, piginnittup misilittagai ilisimasaalu pisisussamut ingerlateqqinneqarsinnaappata tamanna aamma nalitusaataassammat.

Akimik tulluuttumik taasigit

Suliffeqarfiutivit nalinga qanoq aalajangiutissaviuk? Nalingata naatsorsornerani ilaatigut aallaaviusarput siornatigut angusimasat, niuerfimmi siumut ilimasaarutit, kiisalu naatsorsueriaaseq aalajangersimasoq atorlugu siunissami iluanaarutissat ullumikkut qanoq nalilerneqarsinnaanerat aalajangersorneqartarlutik.

Taamaattorli oqaatigineqarsinnaavoq suliffeqarfimmi aningaasat ingerlaarnerat suliffeqarfiup qanoq inissisimaneranik ersersitsisuusoq, tassani pineqarput isertitat aningaasartuutillu ingerlaarnerat. Taamatut naliliiniarnermi isertitat aningaasartuutillu immikkuullarissut soorunami aamma eqqumaffigineqartariaqarput.

Suliffeqarfiutit tuniniarusukkukku siunnersuutit tallimat

Piareersarluaqqissaarit, taamaakkaluartorli tuniniaaneq sapinngisamik piffissap sivikitsup iluani pili
Tuniniaaneq sapinngisamik isertuunneqassaaq, siunissap nalunarsinnaanera sullitanut, sulisunut allanullu paaseqqunagu
Suliffeqarfiup tunineqarnermini tusaamalluarneqarnissaa anguniarneqassaaq - suliffeqarfiup pikkoriffii erseqqissumik saqqummiunneqarlutik
Piserusuttut arlaqarpata iluarnerussaaq, akitsorterussigunik pitsaanerpaamik akeqartinneqassammat
Tuniniaanerup ingerlanneqarnerani piumasaqaatitigut akitigullu pitsaanerpaamik tunniussiumasup isumaqatiginiarneqarnissaa qulakkeerneqassaaq