Aktiat

Aktiamik pisiguit aktieselskabimi pisiffigisanni piginneqataalissaatit. Aktiasilluni aningaasaliinermi annerpaamik pisinermi akiliutip nalinga annaaneqarsinnaavoq, iluanaarutigisinnaasalli annertussusissaa killeqanngilaq.

Aktiap nalinga nalinginnaasumik niuerfimmi ineriartornermit kiisalu suliffeqarfiup iluanaaruteqarnissamut piffissaq qaninnerusoq ungasinnerusorluunniit eqqarsaatigalugit periarfissaqarnera aallaavigalugit aalajangiunneqartarpoq.

Aktianik aningaasaliiguit innersuussutigaarput tamarsuisa ataatsimoorteqqunagit, tassa imaappoq selskabit assigiinngitsut aktianik pisiffigigukkit pitsaanerussaaq. Aamma aningaasaliinermi piffissarititaasoq sivisulaartikkaanni iluaqutaasinnaavoq - taamaasillutit annaasaqarnissap nalorninartortaa annikinnerussaaq, iluanaaruteqarnissallu ilimanarnerulluni. Suliffeqarfiit sinneqartooraangamik ilaanneeriarlutik iluanaarutiminit piginneqataasunut agguaasinnaasaramik.