Biilinut taarsigassarsiat

Biilinik nutaanik pisineq aningaasaliinertut annertungaatsiartutut oqaatigineqarsinnaavoq, biileqarnermilu aningaasartuutit ikinngeqaat. Biilisiavit aningaasalersornerata aaqqissuunneqarnera biileqarnermilu ulluinnarni aningaasartuutaasartut ulluinnarni inuuninnut sunniuteqassaqaat, taamaammat biilinik aningaasaliinermillu toqqaaneq eqqarsaatigilluagassaavoq.

Erniammi?

Taarsigassarsiniaruit erniat kisiisa eqqumaffigissanngilatit – taarsigassarsiat erniakikkaluarlutik imaassinnaammat akikinnerpaajunngitsut. Tamatumunnga pissutaavoq taarsigassarsinermi akiliutit aningaasartuutillu allat aamma ilaagajuttarmata. Assersuutigalugu pilersitsinermi akiliut allaffissornermulluunniit qaammatikkaartumik akiliut.

Taamaammat ukiumoortumik aningaasartuutitaasa procentinngornerat (ÅOP) aallaavigalugu taarsigassarsiat nalilersortarnissaat innersuussutigaarput, tassani taarsigassarsianut atatillugit akiliutit, erniat aningaasartuutillu allat tamarmik ilanngunneqartarmata. ÅOP annertuppat taarsigassarsiat akisuutut nalilerneqarsinnaapput.

Biilinut taarsigassarsiniaraanni 20%-imik nammineq aningaasalersornissaa piumasaqaataavoq.

Miljøbillån - avatangiisit eqqarsaatigalugit biilisinermi

Avatangiisinik mingutsitsinnginnerusumik biilisiguit, liiterimut sivisunerusumik ingerlasinnaasumik, taava BankNordikimi erniakinnerusumik taarsigassarsisinnaassaatit. Biilit energimærke A-mik pitsaanerusumilluunniit nalunaaqutsigaappata iluatinnartunik atugassaqartissavatsigit - taamaattorli taarsigassarsiat akilerneqarnissaannut piffissaliussaq annerpaamik ukiunik 7-nik sivisussuseqassaaq.

Bankip biili tamaat sallunaveeqqusiutissavaa, aammalu kaskoforsikringeqarnissaa piumasaqaataalluni.

Miljøbillån atorniaraanni 20%-imik nammineq aningaasalersornissaa piumasaqaataavoq.