Qamuteralannut taarsigassarsiat
Qamuteralaat inooriaatsitsinnut ilaalluinnarput. Ukiumi angallassissutaapput, sulinermilu timersornermilu atorneqartarlutik. ukiullu taamaalinerani kiffaanngissuseqartitsisuullutillu avammut ammaassisuullutik.
Qamuteralaatit taarsigassanngorsimappat imaluunniit aatsaat qamuteralattaartussanngorsimaguit taarsigassarsiat pillugit oqaloqatiginiaritigut.
ÅOP arajutsiniaqinagu
Taarsigassarsilernermi erniat kisimik maluginiagassaanngillat. Erniat akileraarnermi ilanngaassutigineqarsinnaasarput, taamaammat taarsigassarsiat erniakinnerpaat ilaatigut akikinnerpaajuneq ajorput. Taarsigassarsianik naliliiniaruit ukiumoortumik aningaasartuutit procentinngornerat eqqumaffigisariaqarpat, taanna aamma ÅOP-mik taaneqartarpoq. ÅOP-mi ilanngunneqartarput taarsigassarsiat akiat erniat aningaasartuutillu ilanngullugit, taarsigassarsiat assigiinngitsut sanillersuunnerini taanna eqqumaffigisassaavoq.
Taarsigassarsiniaruit siunnersuutit sisamat
- Missingersuusiorit
Missingersuusioruit aningaasaqarnerit malinnaaffigiuminarnerussaaq. Isertitatit aningaasartuutitillu takussavatit, oqimaaqatiinnersullu nalilersinnaassallugit, taamaasillutillu taarsigassarsisinnaassanerlutit aamma nalilersinnaassallugu. Ugguuna paasisaqarnerullutillu missingersuusiornissamut immersugassaq aajuk. - Ileqqaagaqarit
Taarsigassarsitinnak ileqqaagaqaqqaarnissaq innersuussutigaarput. Ilaatigut taava taarsigassarsinissamut pisariaqartitsinerit annikinnerussaaq, aammali ilinnut bankinnullu uppernarsassavat aningaasaqarnikkut ima ingerlalluartigalutit, taamaammallu taarsigassarsianik akilersugaqarsinnaallutit. - Taarsigassarsiatit akilersortakkit
Taarsigassarsisimaguit akilersuinissannut isumaqatigiissusiarisimasavit ataqqinissaat pingaaruteqarpoq - ilinnut bankinnullu pitsaanerussaaq. - Ilinnut ilungersunarpallaartumik akiitsornak
Silatusaarnissaq ilaanni eqianarsinnaagaluarpoq, aningaasanulli tunngatillugu minnerunngitsumik pingaaruteqarpoq. Aningaasartuutitit isertitarisartakkannit annertuneruppata nuannersunut akissaqanngitsuussaatit - taamaasillutillu aamma taarsigassarsiaqaruit akilersornissaannut akissaqanngitsuussallutit.
