Angalaneq
”Angalaneq tassa inuuneq” H.C. Andersen oqarsimavoq. Massakkorpiarlu angalasinnaanerput killeqaraluartoq takorluuisinnaavugut – katersillutalu.
Nunanut allanut angalaniaraanni akisusinnaaqaaq, taamaammat siusissukkut katersilluni ileqqaagaqalerneq piareersalereernerlu innersuunnarput. Aamma siusissukkut inniminniigaanni bilitsit, biilit, unnuivissallu akikinnerusinnaagajuttarput.
Angalanissamut siunnersuutitsialaat ugguuna atuarsinnaavatit. Taava tulliani angalarusuleruit aallarsinnaaleruillu piareersimassaatit – ulluinnarsiutitillu qimalaarlugit nunarsuarmut takornariarlutit, misigisanillu nuannersorpassuarnik angerlaassillutit.
Angalaninni marlunnik korteqarnissat eqqaamallugu
Nunani allaniitillutik kortimik akiliiniarlutik itigartitaaneq inuppassuit ukiut tamaasa misigisarpaat - ilaatigut kortimik atuinermut killiliussat pissutaallutik.
Taamaammat innersuussutigiuaannarparput angalatilluni ataasiinnaanngitsumik korteqartarnissaq. Taamaasillutit atuinermut killiliussaq qaangersimagukku sillimmatissaqassagavit, aammali kortit tammassagaluarpat isumalluuteqarniassagavit.
Angalanermi kortit pillugit siunnersuutit
- Angalanermi kortinik marlunnik nassataqarit
- Atuinermut killiliussat eqqumaffigikkit
- Kortivit atorunnaarnissaanut ulluliussaq alaatsinaaguk
- Kreditkortimik pisariaqartitsissanerlutit eqqarsaatigiuk
- Kortivit paasissutissartai nutarsakkit
- Angalanermut sillimmasernissat eqqaamallugu
Aallaleruma allamiut aningaasaataannik nassassaanga?
Kortip saniatigut nunap tikitassavit aningaasaataannik kaasarfimmioqalaarnissaq iluatinnarsinnaavoq – taava tikikkuit bankimut tigusisarfimmulluunniit aalleqqaarnak taxanut, sullissisumut kajumissaatinut, sikumut imeruersaammulluunniit akiliutissaqassaatit.
Danmarkimi BankNordikip aningaasanik tigusisarfiini euronik tigusisinnaavutit – taakku sumiinnersut ugguuna takusinnaavatit.
Allamiut aningaasaatit kiffartuunneqarnermilu akiliutit pillugit siunnersuutit
- Nunani allaniikkaangavit pisiniarfimmi toqqaannartumik kortimik akiliigit, aningaasanik tigusisarfimmi tigusinak. Tassami aningaasanik tigusigaangavit tigusavit nalingisa qaavatigut 2%-ip tungaanut tigusinermut akiliutitaqartarami. Akerlianilli pisiniarfimmi kortimik akiliineq qaavatigut akiliutitaqanngilaq.
- Akiliileraangavit allamiut aningaasaataat atorlugit akiliineq qinertuaannaruk, danskit koruuniinik akiliinissamut periarfissinneqaraluaraangavilluunniit. Taava aningaasap nalinga pitsaanerullunilu akikinnerussaaq.
Akikilliliivigineqarit
BankNordikimi sullitaaguit Danmarkimi misigisassanut uumasuusivinnullu arlalippassuarnut 25%-ip tungaanut akikilliliivigineqarsinnaavutit.
Angalanermut sillimmasiineq
Nunarsuarmut takornariarnialeruit angalanermut sillimmasersimanissaq innersuunnarpoq. Ukioq tamakkerlugu angalanermut sillimmasersimagaanni ilaqutariinni privatimik angalanerit ullut 60-it tungaanut sivisussusillit tamarmik sillimmasersimassapput.
Sillimmasiisarfigisat aqqutigalugu angalanermut sillimmasersinnaavutit – sukumiinerusumik paasissutissinneqarumaguit taakkua attaviginiarigit.
Mastercardimik kreditkorteqaruit angalanermut sillimmasiineq tassunga ilaareersinnaavoq.
Paasinartumik siunnersorneqarit
Attavigaluta paasisaqarnerusinnaavutit