Nunani allani akiliisitsiniarneq

Nunani allani akiliisitsiniarneq nunarsuaq tamakkerlugu niueqatigiinnermi akileeriaasiuvoq pisariillunilu sukkasooq. Illit eqqussisuusutit akiliiguit akiitsornissamulluunniit akuersiguit aatsaat nioqqutit tigunissaannut uppernarsaatit tunisisup nassiussai tigussavatit.

Nunani allani akiliisitsiniarneq qaqugukkut atorneqartarpa?

Nunani allani akiliisitsiniarneq tunisisoq pisisorlu imminnut arlaatigut tatiginnissuseqaraangata atorneqartarpoq, taamaammallu qularnaallisaatitut sakkortutigisumik isumannaallisaanertaqarani. Eqqumaffigisariaqarpat akiliisitsiniarneq atorukku pisisup akiliinissaa imaluunniit allagartanik takutitsinikkut aatsaat nioqqutit tunniunneqarnissaat qulakkeerneqassanngimmat.

Akiliisitsiniarnerit assigiinngitsut

Nunani allani akiliisitsiniarnerit assigiinngitsut arlaqarput.

• Cash against Documents (CAD) imaluunniit Documents against Payment (D/P). Pisisoq akiliiguni aatsaat pappialat tigussavai.
• Documents against Acceptance (D/A). Pisisup allaganngorlugu akiliinissani neriorsuutigippagu pappialat tigusinnaavai, tassani akiitsornissamut akuersineq atorneqarajuttarpoq.
• Dokumenter mod accept og bankaval (bankgaranti). Pisisoq akiitsornissamut akuersisimaneranut ilanngullugu banki bankitut qularnaallisaaneratigut aatsaat pappialat pisisumut tunniunneqarsinnaapput.

Periarfissat taakku assigiinngitsut assigiinngitsunik atuuffeqarlutillu piumasaqaatitaqarput, piffinnullu assigiinngitsunut tulluarsagaallutik. Niueqatigiinnermut tulluarsakkamik BankNordikimit siunnersuisarpugut.

Avataanit pisinermi kiisalu avammut tunisinermi akiliisitsiniarneq

Akiliisitsiniarneq taakkununnga marlunnut immikkoortinneqartarpoq, avataanit pisinermut avammullu tunisinermut. Akiliisitseriaatsit assigiinngikkaluarput. Assigiinngissutigiinnarpaat pisisutut tunisisutulluunniit inissisimaneq. Akiliisitsiniaanerit taakku marluk pillugit sukumiinerusumik paasisaqarit.