Apple Pay atorlugu akiliisinnaalerputit
Nalunngilarput inuppassuit qilanaarisimagaat – uagut aamma. Maanna Apple Pay atorlugu BankNordikimit kortinnik akiliisinnaalerputit, tassa akileeriaaseq isumannaatsoq, sukkasooq ajornaatsorlu periarfissarilerpat.
Visa/Dankort aamma Mastercard tassunga ilanngussinnaavatit. Apple Pay pisiniarfinni korti attuutsinnagu akiliisarfiusuni tamani, kiisalu internetikkut pisiniarfinni app-inilu tamani atorneqarsinnaavoq.
Apple Pay atorniarukku BankNordikimit Visa/Dankortimik Mastercardimilluunniit peqassaatit. iPhone 6 nutaanerluunniit kiisalu Apple Watch atorlugu akiliisinnaavutit. Aamma eqqumaffigissavat iPhonemi Apple Watchimiluunniit IOS-opdatering nutaanerpaaq atussagakku.
Apple Pay naatsumik ilisaritillugu
- akiliineq ajornaatsoq isumannaatsorlu
- Mobilbank imaluunniit app-i Wallet aqqutigalugu atulersinneqartarpoq
- Visa/Dankortit Mastercardilluunniit atussavat
- pisiniarfinni internetikkullu akiliissutaasinnaavoq
Apple Pay ima atulersinnaavat
Apple Pay atulerniarukku kortit nalunaarsuinnassavat. App-i Wallet atorlugu Mobilbankikkulluunniit taamaaliorsinnaavutit.
Wallet aqqutigalugu kortimik nalunaarsuineq
- App-i Wallet ammaruk
- ”Tilføj kort” tooruk
- Korti assiliguk imaluunniit paasissutissat toortakkit
- Maanna korti Apple Pay-imut ilanngunneqassaaq
- Mobilnormumut Netbankimut nalunaarutiginikuusannut sms-imik nassinneqassaatit, tassaniissaaq kode toortagassaq
- Maanna korti Apple Pay-imi atorneqarsinnaalerpoq
iPhone imaluunniit Applemit atortorissaarut alla atorlugu una atuarukku Apple Pay tassunga aaniarukku una toorsinnaavat.
Mobilbank aqqutigalugu kortimik nalunaarsuineq
- Mobilbank ammaruk
- Kortoversigt-ip ataaniittoq ”Tilføj til Wallet” tooruk
- Kortinni paasissutissat toortakkit
- Korti nalunaarsorneqarpoq atuutilersinneqarlunilu – Apple Pay-ip atulernissaanut piareerputit
Aningaasiviit qimassimaviuk?
Soqutaanngilaq! iPhone imaluunniit Apple Watch atorlugu attuutsitsinani akiliisarfinni akiliisinnaavutit.
Apple Pay atorlugu ima akiliissaatit
Apple Pay-imik akiliineq ajornaallunilu sukkavoq. iPhone imaluunniit Apple Watch korti attuutsinnagu kortimik akiliisarfiup nalaanut pisiinnassavat.
Face ID atorlugu akiliiniaruit iPhonep saneraaniittoq toortagaq marloriarlutit tooriarlugu skærmia sivikitsumik qiviaqqassavat iPhonelu kortimik akiliisarfiup eqqaaniitillugu. Touch ID atorniarukku iPhone akiliisarfiup eqqaaniitiutigalugu Touch ID inussannik attoqqassavat. Apple Watch atorlugu akiliiguit saneraani toortagaq marloriarlutit tuussavat Apple Watchilu akiliisarfimmut qanillillugu.
Ukunani akiliisinnaavutit
Apple Pay akiliisarfinni imatut ilisarnaaqutserneqarsimasuni tamani atorsinnaavat.
Apple Pay isumannaallisaanerlu
Apple Pay atorlugu akiliineq isumannanngilaq allanullu malunnanngitsumik pisarluni. Tassami Apple Pay akiliissutigigaangakku illit atortorissaarutigisat immikkut ittumik normoqartillugu kodeqartillugulu aningaasanik nuussineq pisarpoq. Kortivit normua tamakkiisumik atortorissaarutinni toqqorneqanngisaannassaaq aammalumi Applep serveriutaani taamaannaviarani, pisiffigisannullu tunniunneqarnaviarani. Aningaasanik nuussinermut atatillugu paasissutissat ilinnut ingerlatitsisinnaasut suulluunniit Apple Pay-ip toqqornavianngilai, taamaasilluni pisinermi illit inuttut innimigisassaanerit ataqqineqassaaq.
Apeqqutigineqarajuttut
Apple Pay
Sumi Apple Pay atorlugu akiliisinnaavunga?
Pisiniarfinni korti attuutsinnagu akiliisarfiusuni tamani Apple Pay atorsinnaavat. Attuutsinnagu akiliinermut ilisarnaat Apple Pay-illuunniit ilisarnaataa eqqumaffigiuk.
Apple Pay aamma internetikkut pisiniarfinni app-inilu periarfissaasinnaavoq. Internetikkut pisiniarfik Apple Pay-imik akiliiffiusinnaappat akileeriaatsit nuisinneqarpata tamanna erserumaarpoq (akileeriaatsit ilagaat korti akiliissutaasoq, Mobile Pay il.il.)
Apple Pay atortorissaarutini sorlerni atorsinnaavara?
iPhonet uku arlaat pigigukku Apple Pay atorsinnaassavat:
XR, XS, XS Max, X, 8, 8 Plus, 7, 7 Plus, 6s, 6s Plus, 6, 6 Plus, SE
Aamma Apple Pay atortorissaarutini ukunani atorsinnaavat:
Apple Watch (seriet tamarmik)
iPad:
Air 2, mini 3, mini 4, iPad (5. generation), iPad (6. generation), Pro
Qarasaasiani Mac-ini Touch ID-qartuni
Qarasaasiat Mac-it 2012-imeersut nutaanerilluunniit iPhonemik Apple Watchimilluunniit Apple Pay-eqartumik ilalerlugit.
Apple Pay atulerniarukku suut atussavakka?
Uku atussavatit:
- atortorissaarut Apple-meersoq atorneqarsinnaasoq
- Mastercard imaluunniit Visa/Dankort
Kortit suut Apple Pay-imut ilanngussinnaavakka?
VISA/Dankortit Mastercardillu tamaasa ilanngussinnaavatit.
Kortit qassit Apple Payimut nalunaarsortissinnaavakka?
Qanoq ilillunga Apple Pay atulersinnaavara?
Apple Pay atorniarukku kortit Mobilbankikkut nalunaarsuinnassavat.
Mobilbank aqqutigalugu korti nalunaarsoruk
- Mobilbankimut iseriarlutit ”Menu” ammaruk, taavalu ”Mine kort” toorlugu
- Korti nalunaarsorniakkat toqqaruk
- ”Føj til Apple Wallet” tooruk
·
Kortiga Apple Pay-imut nalunaarsorniarlugu iluatsissinnaanngilara, qanoq iliussaanga?
iPhonerisanni IOS-opdatering kingulleq pisimanerlugu misissoruk, aamma iPhone 6-imit pisoqaanerussanngilaq.
Ikiugassaaguit aamma 34 79 00-imut sianerfigisinnaavatsigut.
Sooruna isissutissaq OTP-kode SMS-ikkut pinngikkiga?
Isissutissaq ”One Time Password”-imik taaguutilik (OTP) tassaavoq isissutissaagallartoq SMS-ikkut nassiunneqartartoq. Taamaattumik allagarsisimanngikkuit ilimanarpoq illit telefonnormut uatsinni nalunaarsorsimasoq massakkut normorisimassanngikkit.
Attavigitigut telefonnormullu tunniullugu.
Sooruna OTP-kode suli toortanngikkiga korti atulersinneqartoq?
Applemit atortorissaarutit ilaanni OTP-kode SMS-ikkut nassiussarsiarigaanni ingerlaannaq ingerlateqqinneqarluni korti atulersinneqartarami.
Uanga kortikka qitornama iPhone-ani Apple Payimut nalunaarsorsinnaavakka?
Naamik, kortitit illit nammineq pigaatit, innimigisassaapput, kortit paasissutissartaaluunniit allanut tunniutissanngilatit. Korteqarnermi piumasaqaatini tamanna allassimavoq.
Aapparalu mobiltelefoni marluupparput, tamatta kortivut akiliissutaasut Apple Pay-imut ataatsimut nalunaarsorsinnaavagut?
Naamik, Apple Pay inummut namminermut pigisassaavoq, kortimik piginnittut arlallit ataatsimut kattussassarinngilaat.
Suliffiga aqqutigalugu telefonerisanni Apple Pay atorsinnaavara?
Aap, eqqaamaannassavat telefoni suliffeqarfinnut uterteqqissagukku kortitit Apple Payimit piiaqqissagakkit.
Qanoq ilillunga Apple Pay-ip atornerani korti sorleq akiliissutiginiarnerlugu toqqassavara?
Korti toqqarneqarsimasoq erseqqissarsimalluni nuisassaaq. Apple Pay-imi korti ataasiinnaanngitsoq nalunaarsorsimagukku akiliitinnak korti atorniakkat alla qinersinnaavat. Skærmi attorlugu ”swiperlugu” taamaaliussaatit.
Mobilera tammarsimappat tillitsissimappalluunniit qanoq iliussaanga?
Kortiutit tammarsimappat tillitsissimappalluunniit iliuusissavit assinganik iliussaatit: Attavigaluta matutissavat. Aamma nammineerlutit matusinnaavat iCloud-imi ”Find min iPhone” aqqutigalugu imaluunniit Netbankikkut. Korti ima matutissavat
Sooruna kortiga imlt. Apple Pay-imi kortiga matuneqarsimasoq?
Korti akiliutit Apple Pay-imilu kortit imminnut ataqatigiipput. Tassa imaappoq kortit atorneqarsinnaanngippat Apple Pay-imi korti aamma atorsinnaassanngilat. Kortit matuneqarpat atortorissaarutitigut kortitit tassunga attuumassuteqartut tamarmik aamma matuneqassapput.
Qanoq ilillunga kortiga Apple Pay-imit peersinnaavara?
Apple Wallet-imi imaluunniit iCloud-imi peersinnaavat.
Kortiga atorunnaalivippoq imaluunniit atorunnaarsimavoq. Qanoq iliussaanga?
Kortit nutaaq atulersinneqarpat tamanna nammineerluni Apple Pay-imi aamma nutarsarneqassaaq.
Apple Payimi tamaasa peerukkit qanoq pisoqassava?
Taava kortit Apple Payikkut akiliutigisinnaasatit tamaasa atorunnaarsissavatit, atoqqinniarukkillu Apple Payikkut nalunaarsorteqqittariaqassallugit. Mobilbanki aqqutigalugu nalunaarsoqqissinnaavatit.
Kortivit nalunaarsoqqinniarnerini ajornartorsiuteqaruit attavigisinnaavatsigut.
iPhonetaarama, kortikka mobilitaannut qanoq nuussavakka?
iPhonetaat Apple ID-nnut attavilersikkukku Apple Pay-imi kortitit nammineerlutik aamma tassani atuutilersinneqassapput.
iPhone parnaaqqatiinnarlugu Apple Pay akiliissutigisinnaavara?
Aap, iPhonemi Face ID-qaruit Apple Pay atorniarukku saneraani toortagaq marloriarlutit tuussavat.
iPhonemi Touch ID atorukku Apple Pay akiliissutiginiarukku toortagaq qeqqaniittoq inussavit ipaasaanik atuaasartoq inussannik attuinnassavat.
350 kr. ataallugit sinnerlugilluunniit akiliiguma akileeriaatsit assigiinngillat?
Naagga, Apple Pay atorlugu akiliinermi akiata annertussusaa apeqqutaaneq ajorpoq, akileeriaaseq taannaajuaannarpoq.
Apple Pay atoraanni atuinermut killiliussaqarpa?
Visa/Dankort atorukku ullut 30-t ingerlanerini annerpaamik 25.000 kr. atorsinnaavatit. Kortit allat atornerini kortinut atuinermut killiliussat atuutiinnassapput. Kortimik atuinermi killiliussat pillugit paasisaqarnerugit.
Mobilera attaveqanngikkaluartoq akiliisinnaavunga?
Aap. Apple Pay atorlugu akiliiniaraanni mobilip attaveqarnissaa wifi-mulluunniit attaveqarnissaa pisariaqanngilaq.
Kalaallit Nunaata avataani Apple Pay atorlugu akiliisinnaavunga?
Aap, Apple Pay kortimik attuutsinnagu akiliisarfinni tamani atorneqarsinnaavoq – nunami sumiluunniit.
Apple Pay atorlugu akiliisimaguma tamanna kontoma nalunaarsorsimaffiani takusinnaassavara?
Apple Pay atorlugu akiliisimaguit kontonni kortimik akiliisimanertut nalunaarsorsimassaaq, taamaammat Apple Pay atorlugu akiliisimanerit tassani takuneqarsinnaassanngilaq. Taamaattorli Apple Wallet iserfigigukku Apple Pay atorlugu akiliisimanitit kingulliit qulit takusinnaassavatit.
Apple Pay atorlugu akiliisimaguma kontoma nalunaarsorsimaffiani ingerlaannaq takusinnaassavara?
Apple Pay atorlugu akiliineq nunani allani akiliinertut nalunaarsorneqassaaq, taamaammat ullualuit qaangiunnerini aatsaat kontop nalunaarsorsimaffiani takuneqarsinnaassaaq, soorlu aamma nunani allani kortimik atuisimagaangavit taamaattartoq.
Qanoq isumannaatsigaa?
Assorsuaq isumannaappoq. Apple Pay immikkut isumannaatsutut oqaatigisassaavoq telefonimi kortip paasissutissaanik toqqorsineq ajormat, taamaammallu telefonip akiliisarfiullu akornanni korti pillugu paasissutissanik ingerlatitsisoqartarani. Tassa imaappoq tassani kortip normua tillinneqarsinnaanngilaq.
Tamatuma saniatigut paasissutissanik ingerlatsinermi paasiuminarsaanerit imaannaanngitsut (kryptering) atorneqartarput.
Tamakku atuukkaluartut atornerluisunit eqqugaassagaluaruit kortimik atornerluisoqarsimatillugu taarsiivigineqarnerup assinganik taarsiivigineqassaatit.
Innersuussutigaarput mobili atunngikkaangakku nammineerluni parnaartittassagit, inuit allat mobili Apple Pay-ilu iserfiginnginniassammassuk.
Apple Pay-imik akiliinermik akuersineq Face ID imaluunniit Touch ID atorlugit pisarpoq. Tassani illit kiinnat inussavilluunniit ipaasai aallaaviusarmata toortagassamik arlaannik tillinniarfigineqarsinnaanngilatit.
Mobilit tammarpat ingerlaannaq attavigissavatsigut, Apple Pay-imi kortitit ingerlaannaq matuneqarniassammata.
Qanoq akeqarpa?
Apple Pay-eqarneq akeqanngilaq, aamma Apple Pay-imik akiliinerit immikkut akiliutitaqanngillat.