Ukiup affaa imaannaanngitsoq BankNordikip anigorluarsimavaa

Ukiup affaa qaangiuttoq COVID-19 pissutigalugu ilungersunartunik siornatigut misigisimanngisatsinnik atugaqartitsigaluartoq BankNordik bankillu sullitai aniguilluarsimapput. Bankip tunngaviusumik isertitai pitsanngoriarsimapput, pitsanngoriarnerlu Kalaallit Nunaanni niuernermi pingaarnertut pisimavoq.

”COVID-19 pissutaalluni piffimmi immikkuullareqisumi sullitavut aningaasaqarnerup tungaatigut ikiugassaasut ikiorsinnaasimavagut. Immikkut ittunik nalaataqarnitsinni sullitat qanimut suleqatigilluarsinnaasimagatsigit assut nuannaarutigaarput. Ataatsimut isigalugu sullitavut ilungersunartorsiorfimmi aniguilluarsimapput, nappaassuullu kingunerinik ilungersunartunik allanik pisoqassagaluarpat ikiuinissatsinnut soorunami piareersimalluta,” Árni Ellefsen, BankNordikimi pisortaaneq oqarpoq.

Ilungersunartorsiorfimmi aningaasatigut ikiorsiineq

BankNordikip sullitai COVID-19-ip tuniluunnerata kingunerinik aningaasatigut ilungersunartorsiortut taarsigassarsianik akilersuinertik qaammatit 6 tungaanut kinguar-tissinnaasimavaat. Taamaattorli ulloq manna tikillugu sullitat amerlanerit bankimit ikiorserneqarnatik ilungersunartorsiornerit anigorluarsinnaasimavaat.

Peqqinnissaqarnikkut ilungersunartorsiorneq ulloq manna tikillugu BankNordikip aningaasaqarneranut sunniutai naatsorsuutigisimasanit annikinnerusimapput. Taamaammat apriilip naalerneranilli marloriarluta 2020-mi naatsorsuutit inernissaatut ilimasuutivut qaffariarsimavagut, aningaasaqarnermut tunngatillugu ilimasuutit allanngorneri najoqqutaralugit. Nappaassuup piffissaq ungasinnerusoq eqqarsaatigalugu qanorpiaq kinguneqartitsinissaa suli assut nalunarpoq, taamaammat annaasaqassagaluarutta bankip 35 mio. kr. isumalluutissatut inississimavai.

Kalaallit Nunaanni niuerfimmi siuariarneq

BankNordikip naatsorsuutai immikkoortuni arlalinni siuariaatinik takutitsipput, ataatsimullu isigalugu Kalaallit Nunaanni niuerneq siuariarnermut tapiilluinnarsimavoq. Kalaallit Nunaanni sulianit isertitat 2019-imi piffimmut tassunga naleqqiullugit 7 mio. kr.-inik qaffariarsimapput, tassanilu ilaatigut pissutaavoq sullitanit nutaanit ornigarneqarneq bankimilu eqeersimaarneq. Taamaasilluni ukiormanna qaammatini siullerni arfinilinni Kalaallit Nunaanni niuernikkut siuariarneq annerpaajusimavoq.

Ukiormanna ukiup affaani siullermi bankip aningaasartuutit annikillisimavai, isertitallu annertusillugit. Taamatut ineriartornermut pingaarnertut peqqutaasimavoq 2019-imi decembarimi ingerlatseqatigiiffiup aningaasartuutai isertitaalu nalimmassarumallugit periutsinik allannguisimanerput. Periutsinik allannguinerput piviusunngortissimavarput, 24%-imillu akiliisinnaassuseqarluta – tassa anguniagassatut siunniussimasatsinnit pitsaanerusumik – taamaammat oqarsinnaavugut siunissami ilungersunartorsiussagaluarutta isumalluutissaqarluarluta.

2020-mi ukiup affaani siullermi naatsorsuutit inerneri pingaarnersiukkat

• Akileraarutit sioqqullugit inernerat tassaavoq 74 mio. kr., 2019-imi piffimmi tassani 151 mio. kr.-uvoq.
• Appartitsinerit sioqqullugit ingerlatsinerup inernera 93 mio. kr.-uvoq, 2019-imi piffimmi tassani 67 mio. kr.-uvoq.
• Taarsigassarsiarititanik appartitsinernik utertitsineq ilanngaatissat ilanngaatigereerlugit -2 mio. kr.-uvoq, 2019-imilu piffimmi tassani 72 mio. kr.-ulluni.
• Ingerlatsinerup inernera 91 mio. kr.-uvoq, 2019-imilu piffimmi tassani 138 mio. kr.-ulluni.
• Bankip taarsigassarsisitsinera 9,9 mia. kr.-uvoq, 2019-imilu piffimmi tassa-ni 10,1 mia. kr.-ulluni.
• Bankip uninngatitai 2019-imi piffimmi tassani 14,2 mia. kr.-usimasut appa-riarsimapput, 2020-milu piffimmi tassani 13,1 mia. kr.-ulersimallutik.
• Akiliisinnaassusaa 2019-imi piffimmi tassani 19,6%-iusoq, 2020-mi 24%-inut qaffariarsimavoq.
• Siulersuisut naatsorsuutigaat ilanngaatissat ilanngaatigereerlugit inernerat 80 - 120 mio. kr.-ip nalaaniissasoq (Ukiup aallartinnerani 100 – 150 mio. kr.-ip nalaaniinnissaa naatsorsuutigineqaraluarpoq).

Paasissutissat sukumiinerusut

Árni Ellefsen, pisortaaneq, tlf: +298 230 348