Coronavirus – sillimmasiinerit ima atuuttarpoq
Ulloq 4/5 nutarsarneqarpoq
Feeriassamaaraluarpit? Uani qanoq iliussanerlutit paasisaqarfigisinnaavat.
Pissutsit allanngortuarmata Udenrigsministeeriap nittartagaani malinnaanissat innersuussutigaarput, tassani paasissutissat nutaanerpaat allassimasarmata.
Sillimmasiineq qanoq atuuffeqarpa?
Angalanermut angalanissaraluamik taamaatitsinissamut sillimmasernertalimmik sillimmasersimaguit, imaluunniit Mastercardeqaruit taamaatitsinermi sillimmasernertalimmik, taava Udenrigsministeeriap tikeqqunngisaanut angalasussaaguit taamaatitsinermi taarsiivigineqassaatit.
Nuna angallavigisassat suli tikeqquneqanngitsunut ilanngunneqarsimanngippat taamaatitsinermi taarsiivigineqassanngilatit.
Paasisaqarnerugit
Angalatitsivik aqqutigalugu angalanermut sillimmasersimaguit taakku attavigalugit sukumiinerusumik paasissutissinneqassaatit. Mastercardinni sillimmasersimaguit ugguuna paasisaqarnerusinnaavutit:
Ukiormanna angalassamaaruit siunnersuutitsialaat
- Udenrigsministeeriap angalanermut siunnersuutai malinnaavigikkit
- Napparsimaguit angalanngikkina
- Illit allalluunniit ukuninnga malugisaqassappata nakorsamut saaffiginnipallagit: kakkilertaneq, niaqorlunneq, kiaqarneq, aamma/imaluunniit anernilunneq.
- Akulikitsumik assatit asattakkit, qimmit qitsuilluunniit sumi tamaani angalasut attornaveersaakkit, il.il.
- Inoqatinut attaveqaatini coronavirus pillugu nutaarsiassat tatiginassusii apeqqusertakkit, paasissutissallu nutaarsiassaqartitsivinnit tatiginartuneersut kisiisa atortakkit.