BankNordikip coronavirusimut atatillugu suliniutai

MALUGIUK: 14/4/2020

Martsip 19.-nit apriilip 26. 2020 ilanngullugu bankip immikkoortortaqarfianut isertoqarsinnaassanngilaq.

----------------

Coronavirusimut tunngatillugu oqartussaasut innersuussutaat pissutaalluni tuniluunneq annikillisarumallugu, kiisalu sullitavut, sulisuutivut, Nunarpullu sianigiumallugu allannguutinik aalajangersuisimavugut. Sapinngisarput tamaat atorlugu suliniutit tamakku sullitatsinnut akornutaannginnissaat sulissutigissavarput.

Tuniluunneq annikillisarumallugu immikkoortortaqarfipput avataaniit iserfigineqarsinnaajunnaassaaq sisamanngornermit martsip 19.-nit ataasinngorneq apriilip 13. 2020 ilanngullugu.

Pisarnittut sianerfigisinnaassavatsigut, aamma kiffartuussiviit nammineerluni atoriaannaat soorlu Netbank, Mobilbank, aningaasanillu tigusisarfiit nalinginnaasumik atorneqarsinnaassapput.

Piffimmi tamatumani banki ima atorsinnaassavat:

• Bankip aningaasanik tigusisarfii nalinginnaasumik atorneqarsinnaapput (TelePosti tigusisarfinnik isumaginnikkallartillugu)
• Netbank Mobilbankilu nalinginnaasumik atorneqarsinnaassapput
• Banki ataatsimeeqatigissamaarpiuk? Piffimmi tamatumani ornigutsitsilluta ataatsimiisitsissanngilagut, kisianni telefonikkut internetikkulluunniit ataatsimiinneq periarfissaassaaq. Bankip internetikkut ataatsimiisitsisarnera uani sukumiinerusumik nassuiarneqarpoq.
• 34 79 00-imut sianerfigisarsinnaavatsigut piffinni ukunani: ataasinngornermit sisamanngornermut nal. 9.30-15.30, kiisalu tallimanngornikkut nal. 9.30-15.
• Bankimi sulisut immikkoortortaqarfimmiittassapput, taamaammat siunnersortit attavigisinnaassavat netbankikkut, telefonikkut, e-mailikkulluunniit.

Pissutsit allanngussappata ingerlariaaserpullu allanngorteqqissagutsigu nittartagarput Facebookimilu quppernerput aqqutigalugit paasissutissiineq ataavartumik ingerlakkumaarparput.

Suli pisarnittut TELE-POST atortarsinnaassavat. Malugiulli ilaatigut ammasarfii allanngorsimammata - allannguutit pillattaammata innersuussutigaarput www.telepost.gl-ikkut Facebookikkulluunniit malinnaanissat.

Angalaneq pillugu apeqqutissaqarpit?

Sullitatta ilarpassui angalanerminnut atatillugu coronaviruseqartoqarneranit eqqugaasimapput. Mastercard aqqutigalugu taarsiivigineqarnissamut qanoq pisinnaatitaanerlutit ugguuna paasisaqarfiginerusinnaavat (link til nyhed om corona og rejseforsikring)