Ukiup affaani siullermi ineriartorneq inger-lalluarpoq

Ukiormanna qaammatit siulliit arfinillit ingerlaneranni BankNordikip Dan-markimi immikkoortortaminik tunisinerata kinguneri malunnarput, tunisinerlu taanna juunimi inaarneqarpoq. Bankip Kalaallit Nunaanni ingerlatsinera ineriartorluarpoq, ilaatigullu realkreditimik taarsigassiineq annertuseriarsimalluni.

”Sullitatta siunnersornissaat pingaarnertut suliassaraarput, taamaasillutik aningaaserinermut tunngatillugu ulluinnarni isumagisassanik ingerlatsilluarnissaat kiisalu aalajangigassanut annertunerusunut piareersimanissaat qulakkiissagat-sigu.

COVID-19 pissutaalluni sullitavut ilungersunartorsiorsimasut siunnersorlugillu ikiorsinnaasimavagut, nuannaarutigaarpullu taakkua amerlanersaasa nappaassuup tuniluunnerata ilungersunartorsiortitsinera qaangerluarsimammassuk. Aam-mattaaq nuannaarutigaarput ukiormanna ukiup affaani siullermi Kalaallit Nunaanni sullitassanit nutaanit ornigarneqarsimanerput,” Árni Ellefsen, BankNordikimi pisortaaneq oqarpoq.

Kalaallit Nunaanni bankip immikkoortortaqarfiani sullitanut privatinut inuussutis-sarsiortunullu realkreditimik taarsigassiinerit annertuseriarsimapput, 2020-milu piffimmut tassunga naleqqiullugu tunngaviusumik isertitat 16%-imik annertuseriarsimapput.

BankNordikip Danmarkimi immikkoortortaqarfimminik Spar Nordimut tunisinerata kingorna Kalaallit Nunaanni niuerfik bankimut suli pingaarnerulersimavoq. Ukiualunngortuni sullitanik attaveqarluarnissap inerisarnissaa BankNordikimi sulissutigisimavarput, anguniagaraarpullu Kalaallit Nunaanni bankini orniginarnerpaajunissarput. Tamanna angujumallugu sullissinerput pitsanngorsartuarniarparput, aammalu siunnersuilluarluta periarfissanillu digitaliusunik pitsaasunik pilersitsiortorluta.

Niuernikkut aallussinerup saniatigut BankNordikip inuiaqatigiinni pingaarutilinnik inerisaaqataanissaq pingaartitaraa. Tassunga atatillugu ukiumut marloriarluni bankip BankNordik-legati 25.000 kr.-inik naleqartoq ilinniartunut kalaallinut mar-lunnut tunniuttarpaa. Tulliani qinnuteqarnissamut killiliussaq tassaavoq septembarip 16-iat.

Naatsorsuutit inerneri pingaarnersiukkat

  • Akileraarutit sioqqullugit inernerat tassaavoq 192 mio. kr., taakkunannga 90 mio. kr. Danmarkimi immikkoortortaqarfiup tunineranit pisuupput.
  • Appartitsinerit sioqqullugit ingerlatsinerup inernera 85 mio. kr.-uvoq, 2020-mi piffimmi tassani 64 mio. kr.-uvoq.
  • Taarsigassarsiarititanik appartitsinernik utertitsineq ilanngaatissat ilanngaatigereerlugit 23 mio. kr.-uvoq, 2020-milu piffimmi tassani -2 mio. kr.-ulluni.
  • Ingerlatsinerup inernera 109 mio. kr.-uvoq, 2020-milu piffimmi tassani 62 mio. kr.-ulluni.
  • Bankip taarsigassarsisitsinera 2020-mi piffimmi tassani 7,5 mia. kr.-usimasoq qaffariarsimavoq 7,6 mia. kr.-ulerluni.
  • Bankip realkreditimik taarsigassarsisitsinera 2020-mi 2,1 mia. kr.-usimasoq 2,5 mia. kr.-inut qaffariarsimavoq.
  • Bankip uninngatitai 7,7 mia. kr.-upput, 2020-milu piffimmi tassani 7,6 mia. kr.-ullutik.
  • Akiliisinnaassusaa 2020-mi piffimmi tassani 24,0%-iusoq, 2021-mi 31,3%-inut qaffariarsimavoq.
  • Siulersuisut naatsorsuutigaat ilanngaatissat ilanngaatigereerlugit 2021-mi inernerat 190 - 220 mio. kr.-ip nalaaniissasoq.