BankNordikip uninngatitanut atugassarititaasut allanngortilerpai

Sullitanut privatinut uninngatitaqarnermut erniat allanngortinneqassapput, ernianullu aningaasartuutaasunut killiliussaq appartinneqarluni. Allannguutit niuernikkut pissutsinik peqquteqarput.

Ulloq 3. november 2021 aallarnerfigalugu sullitanut privatinut uninngatitaqarnermut erniat -0,6 %-init -0,75 %-inut allanngortinneqassapput. Taamatuttaaq aningaasartuutaasumik ernialerneqarnissamut killiussaq 250.000 kr.-iugaluartoq appartinneqassaaq 150.000 kr.-iulerluni, aningaasallu taakku kontoni pingasuniissinnaapput. Tassa imaappoq sullitaq aningaasartuutaasumik ernialerneqarnianngikkuni annerpaamik pinngasunik uninngatitanut kontoqarsinnaavoq, kontonilu taakkunani ataatsip imarisai annerpaamik 100.000 kr.-iussapput, sinneruttullu marluk immikkut annerpaamik 25.000 kr.-inik imaqarsinnaallutik.

Killiliussat taakku sinnerlugit uninngatitaqaraanni aningaasat sinneruttut -0,75 %-imik ernialerneqartassapput.

Sullitaq pingasut sinnerlugit kontoqarpat kontot sinneruttut aningaasartuutaasumik ernialerneqartassapput.

Ulloq 3. november 2021 aallarnerfigalugu pensionimut kontoni erniarititat aamma -0,6 %-init -0,75 %-inut allanngortinneqassapput, tassanilu aningaasat uninngatitat tamarmik ernialerneqartassapput.

Meeqqat inuusuttullu minillugit

Meeqqat inuusuttullu 29-t inorlugit ukiullit aningaasartuutaasumik ernialerneqassanngillat, taamaammat allannguutit qulaani taakkartorneqartut taakkununnga atuutinngillat.