Erniat allanngortussanngorput

Europami centralbankimi (ECB) juulip 21-ianni ataatsimiinnermi aalajangiunneqarpoq erniat 0,5%-pointinik qaffanneqarnissaat. Erniat qaffanneqarnissaat naatsorsuutigineqareersimavoq, ukiumilu qaangiuttumi aningaasat naleerukkiartornerat unitsiiminiarlugu aalajangiunneqarluni. ECB-p taamatut nalunaarnerata kingorna Danmarkimi nationalbankip nalunaarutigaa erniat aamma taamaaqataanik qaffaaviginiarlugit, taamaammallu BankNordikip aamma qaammatini aggersuni uninngasuutinut taarsigassarsianullu erniat qaffaavigissavai.

“Erniat nikinnerat peqqutaalluni uninngasuutinut taarsigassarsianullu erniat nikerartuuppata erniaat qaffassapput. Aningaasanik taarsigassarsineq akisunerulaalissaaq, akerlianilli aningaasanik uninngasuutitaqaraanni erniat aningaasartuutaasut annikillissallutik,” Árni Ellefsen, BankNordikimi pisortaaneq oqarpoq.

Sullitanut privatinut oktoberip 5-iat aallarnerfigalugu uninngasuutitanut erniat 0,5%-point p.a.-mik qaffaavigineqassapput, taarsigassarsianullu erniat 0,4%-point p.a.-mik qaffaavigineqassallutik. Sullitanut inuussutissarsiortunut taarsigassarsiat septembarip 5-iat aallarnerfigalugu uninngasuutinut erniat 0,3%-point p.a. tikillugu qaffaavigineqassapput, taarsigassarsianullu erniat 0,5%-point p.a.-mik qaffaavigineqassallutik.