Nationalbankip 1000 koruunit atorunnaarsilerpai
Taamaammat ulloq taanna sioqqullugu 1000 kr-iutitit pappilissat atornianngikkukkit kontomut ikisariaqassavatit.
Aningaasat pappilissat 1000 kr.-it BankNordikimi kontomut ikiniarukkit illoqarfinni ukunani Tusass-imut saaffiginnissinnaavutit:
Nuuk
Qaqortoq
Kangerlussuaq
Maniitsoq
Sisimiut
Qeqertarsuaq
Qasigiannguit
Aasiaat
Ilulissat
Uummannaq
Upernavik
Tasiilaq
Illoqarfinni nunaqarfinnilu allani aningaasanik ikisiniaraanni KNI Pilersuisumut saaffiginnittoqarsinnaavoq, taakku aningaasanik tigusinermik sullissisussaatitaallutik isumaqatigiissuteqaramik.
Malugiuk aningaasanik pinerlunnermik malunnarunnaarsaanerup akiornissaanut atatillugu aningaasaatitit sumit pissarsiarisimanerlugit uppernarsartussaagakku. Aningaasat suminngaanneernerat uppernarsarsinnaanngikkukku kontonnut ikinissaannut itigartitaasinnaavutit.
2025-mi maajip 31-ata tungaanut 1000 koruuni inuinnarnit suliffeqarfinnillu atorneqarsinnaassaaq. Tamanna pisiniarfinni inuinnaallu akornanni atuutissaaq.
1000 koruunip atorunnaarsinneqarneranut ilanngullugu Nationalbankip aningaasat pappilissat 2009 sioqqullugu saqqummersinneqarsimasut tamaasa tiguniarpai. Tamanna ugguuna paasisaqarfiginerusinnaavat: Danmarks Nationalbank.