Ukiup sisamararterutaasa pingajuanni siuariarneq
Ullumi ukiup sisamararterutaasa pingajuanni naatsorsuutit saqqummiunneqarput. Ukiup sisamararterutaani matumani uninngatitatini taarsigassarsiarititanilu ineriartortoqarsimanera erserpoq.
Kalaallit Nunaanni immikkoortortaqarfitsinni akileraarutit sioqqullugit naatsorsuutit inernerat 27 mio. kr.-iusimavoq, taamaasillunilu siorna piffimmut tassunga naleqqiullugu 29%-imik annertuseriarsimalluni. Ingerlalluarnermut tassunga ilaatigut peqqutaavoq qitiusumik aningaaserivimmi niuerfinnilu erniat qaffanneqarsimanerat, aammalu sullitat uninngasuutillit taarsigassarsiallillu eqeersimaarnerunerat.
Ukiup sisamararterutaasa pingajuanni angusaqarluarluta saqqummiussisinnaanerput assut naammagisimaarutigaarput, ingammillu naammagisimaarutigaarput sullitavut inuit ataasiakkaat suliffeqarfiillu ataatsimut isigigaanni aningaasaqarnerat patajaatsutut taaneqarsinnaammat, naak ukiormanna erniat qaffariarsimagaluartut pisiassallu akitsorsimallutik. Kalaallit Nunaanni suli ineriartortitsisinnaanissarput pillugu neriulluarpugut,” Turið F. Arge, pisortaaneq, oqarpoq.
Taarsigassarsiarititat uninngatitallu qaffariarsimapput
Siorna piffimmut tassunga naleqqiullugu taarsigassarititat uninngatitallu malunnartumik qaffariarsimapput. Ukiormanna erniat qaffariarsimapput, tamatumalu kinguneranik aningaasanik taarsigassarsiniarneq akitsornikuuvoq, akerlianilli erniaqarluartumik ileqqaagaqarnissaq sullitanut orniginarsinikuulluni.
”Erniat qaffariarnerat ilutigalugu sullitat arlallit aningaasaatitik ileqqaakkanut kontonut erniaqarluartunut ileqqaartalersimavaat. Taamaasilluni sullitap aningaasaatini iluanaarutiginerusinnaavai. Erniaqarluartumik ileqqaagaqarsinnaaneq sullitanik siunnersuigaangatta ilanngullugu saqqummiuttarparput, sullitat uninngatitaqarniarunik periarfissatik ilisimalluarneruniassammassuk, siornamullu sanilliullugu massakkut periarfissat allaaneroqaat,” Turið F. Arge, pisortaaneq, oqarpoq.
Naak erniat ukiormanna qaffariartupiloorsimagaluartut taama sualutsigisumik qaffariartuinnarnissaat ilimanarpasinngilaq. Ukiup sinnerani ilimasaarutit isigissagaanni sullitanut niuernermullu iluatinnartumik ingerlasoqarnissaa ilimanaateqarluarpoq.
Naatsorsuutit inerneri pingaarnersiukkat
- Akileraarutit sioqqullugit inernerat 271 mio. kr.-iuvoq
- Appartitsinerit sioqqullugit ingerlatsinerup inernera 202 mio. kr.-iuvoq.
- Taarsigassarsiarititanik appartitsinernik utertitsineq 15 mio. kr.-iuvoq
- Ingerlatsinerup inernera 217 mio. kr.-iuvoq
- Bankip taarsigassarsisitsinera 8,8 mia. kr.-iuvoq
- Bankip realkreditimik taarsigassarsisitsinera 2,6 mia. kr.-iuvoq
- Bankip uninngatitai 8,6 mia. kr.-iupput
- Akiliisinnaassusaa, NEP-kapital ilanngullugu 30,2%-iuvoq
- Siulersuisut naatsorsuutigaat ilanngaatissat ilanngaatigereerlugit 2023-mi inernerat 260-290 mio. kr.-ip nalaaniissasoq
Paasissutissat sukumiinerusut
Turið F. Arge, pisortaaneq, tel: +298 230 678