![](/-/media/banknordik/images/filialer/gl/banknordik_vh20639---ny.jpg?rev=-1&mw=1600&hash=1983B6E398A7A24395644FAC1F59659A)
Ukiup affaani siullermi inernerit ajunngitsut
Inernerit ajunngillat, tamanna bankip ukiup affaani siullermi naatsorsuutaani ullumi saqqummersinneqartuni erserpoq. Akileraarutit sioqqullugit inernerat 175 mio. kr.-iuvoq, 2023-mi ukiup affaani siullermi akileraarutit sioqqullugit 162 mio. kr.-iupput.
Sullitat privatit inuussutissarsiortullu suli ajunngillat, ukiunilu kingullerni erniat qaffakkiartorneranni aniguilluartarsimallutik. Erniat qaffasinnerpaaffissartik tikereersimavaat, juulimilu bankip nalunaarutigivaa taarsigassarsianut erniatik appartilerlugit.
”Ukiup sisamararterutaasa aappaanni ineriartornerit suli ajunngitsumik takutitsipput, naammagisimaarutigalugulu nalunaarutigisinnaavarput ingerlatsinikkut patajaatsumik ingerlarpasilluta ukiullu affaani siullermi akileraarutit sioqqullugit naatsorsuutit inernerat 175 mio. kr.-iusoq. Ineriartornikkut ingerlalluarnermut peqqutaapput uninngatitat taarsigassarsiallu annertusisimanerat, nammineq aningaasaatigisatta iluanaaruteqarluarsimaneri, kiisalu appartitsinerit iluartumik inissisimanerat, tamakkulu tamarmik sullitatta akiliisinnaassuseqarluarnerat takutippaat,” Turið F. Arge, BankNordikimi pisortaaneq oqarpoq.
”Ileqqaakkat qaffariarsimanerat takusinnaavarput. Tassa isumaqarpoq sullitatta uninngatitaqarnissamut periarfissaativut atorluartaraat, tamannalu ajunngeqaaq, erniaqarluarluni aningaasanik uninngatitaqarneq sullitanut iluaqutaalluarsinnaammat. Ukiumi qaangiuttumi ileqqaakkanut kontoni uninngasut qaffariarsimanerisa aamma takutippaat sullitavut aningaasaqarnikkut ingerlalluartut,” Turið F. Arge oqarpoq.
Ukiormanna aamma netbanki sullitanut privatinut akeerunnikuuvoq, taamaasillutillu sullitavut akeqanngitsumik netbankitaarlutillu aningaasanik nuussisinnaapput, nuussinerit nalinginnaasuugaluarpata indbetalingskortimilluunniit akiliinerugaluarpata.
Sullitat privatit inuussutissarsiortullu suli ajunngillat, ukiunilu kingullerni erniat qaffakkiartorneranni aniguilluartarsimallutik. Erniat qaffasinnerpaaffissartik tikereersimavaat, juulimilu bankip nalunaarutigivaa taarsigassarsianut erniatik appartilerlugit.
”Ukiup sisamararterutaasa aappaanni ineriartornerit suli ajunngitsumik takutitsipput, naammagisimaarutigalugulu nalunaarutigisinnaavarput ingerlatsinikkut patajaatsumik ingerlarpasilluta ukiullu affaani siullermi akileraarutit sioqqullugit naatsorsuutit inernerat 175 mio. kr.-iusoq. Ineriartornikkut ingerlalluarnermut peqqutaapput uninngatitat taarsigassarsiallu annertusisimanerat, nammineq aningaasaatigisatta iluanaaruteqarluarsimaneri, kiisalu appartitsinerit iluartumik inissisimanerat, tamakkulu tamarmik sullitatta akiliisinnaassuseqarluarnerat takutippaat,” Turið F. Arge, BankNordikimi pisortaaneq oqarpoq.
Uninngasuutinut taarsigassarsianullu erniat iluatinnartut
Niuerfimmi unammillersinnaanerup qulakkeerneqarnissaani Kalaallit Nunaannilu sullitanut akissarititaasut pitsaanerpaajunissaannut suleqataasinnaanerput bankimit nuannaarutigaarput. Taarsigassarsianut erniat augustip 15-iani 0,25 procentpointip tungaanut appartinneqassapput, uninngatitanullu erniat akissarsianut kontomi nalinginnaasumiikkaluarpata ileqqaakkanulluunniit kontomi pituttorsimasumiikkaluarpata allanngortinneqassanatik. Bankip sullitai taamaasillutik suli erniagissaarlutik ileqqaagarsinnaassapput.”Ileqqaakkat qaffariarsimanerat takusinnaavarput. Tassa isumaqarpoq sullitatta uninngatitaqarnissamut periarfissaativut atorluartaraat, tamannalu ajunngeqaaq, erniaqarluarluni aningaasanik uninngatitaqarneq sullitanut iluaqutaalluarsinnaammat. Ukiumi qaangiuttumi ileqqaakkanut kontoni uninngasut qaffariarsimanerisa aamma takutippaat sullitavut aningaasaqarnikkut ingerlalluartut,” Turið F. Arge oqarpoq.
Ukiormanna aamma netbanki sullitanut privatinut akeerunnikuuvoq, taamaasillutillu sullitavut akeqanngitsumik netbankitaarlutillu aningaasanik nuussisinnaapput, nuussinerit nalinginnaasuugaluarpata indbetalingskortimilluunniit akiliinerugaluarpata.
Finanstilsynip suliaata inernera
Finanstilsynet Savalimmiuni Kalaallit Nunaannilu illunik najugaqarfiusunik inuussutissarsiortullu illuutaannik niuerneq pillugu suliaminni inerniliisimapput. Inerniliinerminni oqaatigaat Savalimmiuni Kalaallit Nunaannilu illunik najugaqarfiusunik suliffeqarfiillu illuutaannik niuerfiit inerilluarsimasutut patajaatsutullu allaganngorlugu nalilerneqarsinnaanngitsut.”Finanstilsynip inerniliinera tunngavigalugu niuerfinni pineqartuni najugaqarfissanik inuussutissarsiortunulluunniit atugassanik illusinermut atatillugu taarsigassiinermi ilaatigut annertunerusumik aningaasaliisinnaanissaq pisariaqartassaaq. Inerniliinerup tamatuma kingunerisinnaasai ukiup affaani siullerni naatsorsuutinut ilanngupparput,” Turið F. Arge oqarpoq.Banki atertaalerpoq – unammisitsinermi peqataagit
Upernaaq bankip nalunaarutigaa Savalimmiuni atini allanngortillugu, Føroya Bankimik ateqalerluni (Savalimmiut Bankiat), aammalu Kalaallit Nunaanni immikkoortortaqarfimmut tulluarnerusumik atissarsiorniarluni. Taamaammat atissarsiorluni unammisitsineq maanna ingerlavoq. Augustip 25-ata tungaanut kikkulluunniit bankip siunissami atissaanik siunnersuuteqarsinnaapput, taamaasillutillu 10.000 kr.-inik pinnanniuuttunut ilaallutik.
”Ateq BankNordik ajunngilaq, ukiorpassuarnilu atorsimavarput, kisianni kissaatigaarput kalaallisut atertaarusulluta Kalaallit Nunaanni suliatsinnut, sulisutsinnut pikkorissunut aammalu sullitarpassuatsinnut tulluartumik,” Turið F. Arge, pisortaaneq oqarpoq.
Naatsorsuutit inerneri pingaarnersiukkat
- Akileraarutit sioqqullugit inernerat 175 mio. kr.-iuvoq
- Appartitsinerit sioqqullugit ingerlatsinerup inernera 133 mio. kr.-iuvoq
- Taarsigassarsiarititanik appartitsinernik utertitsineq 16 mio. kr.-iuvoq
- Bankip taarsigassarsisitsinera 9,0 mia. kr.-iuvoq
- Bankip realkreditimik taarsigassarsisitsinera 2,6 mia. kr.-iuvoq
- Bankip uninngatitai 9,2 mia. kr.-iupput
- Qitiusumik aningaasaatit (Egentlig kernekapital) 25,6%-iupput
- Siulersuisut naatsorsuutigaat ilanngaatissat ilanngaatigereerlugit 2024-mi inernerat 225-255 mio. kr.-ip nalaaniissasoq.
Paasissutissat sukumiinerusut
Turið F. Arge, pisortaaneq, tlf: +298 230 678