![](/-/media/banknordik/images/169/produkter/169_budgetkuglepen_cl_fo_dk_gl.jpg?rev=-1&mw=1600&hash=9A3FB74C8AF2C0EC5CF215E238742A17)
BankNordikip sullitaanut atugassarititaasut suli pitsaanerulissapput
Qanittukkut BankNordikip taarsigassarsianut erniat appartilerpai. Allannguutinut peqqutaasut tassaapput niuerfimmi allannguutit aammalu Nationalbankip ernianik appartitsinera.
Ernianik allannguinerit sullitanut privatinut inuussutissarsiortunullu atuutissapput, allannguutillu pineqartut ukuupput:
- Taarsigassarsianut erniat augustip 15-iani 2024 0,25 procentpoint tikillugit appartinneqassapput.
- Uninngasuutinut erniat allanngussanngillat, konto pineqartoq akissarsianut kontoogaluarpat, imaluunniit ileqqaakkanut soraarnermusiassanulluunniit kontoogaluarpat assersuutigalugulu qaammatini 12-ini pituttorsimasuugaluarpat. Taamaasillutik sullitavut suli erniagissaarlutik ileqqaagaqarsinnaassapput.
”Nuannaarutigaarput maanna sullitavut iluatinnartumik erniaqartillugit taarsigassarsinissaannik periarfississinnaagatsigit, saniatigullu aamma suli iluatinnartumik ernialimmik ileqqaagaqartitsisinnaallugit,” Turið F. Arge, pisortaq oqarpoq. ”Taamatut alloriarnitsinni Kalaallit Nunaanni sullitat privatit inuussutissarsiortullu patajaatsumik aningaasarsiornikkut ineriartortitsisinnaanissaannik tapersersuerusunnerput takutikkusupparput.”
Allannguutit sullitanut sullitaareersunut atuupput, aammali uatsinni bankeqalerusullutik soqutiginnittut nutaat ileqqaakkanut kontomik pilersitsisinnaapput iluatinnartumik erniaqarlutik, taamaasillutillu aningaasaatitik isumannaatsumik inississinnaallugit. Siunnersortaativut sullissinissaminnut siunnersuinissaminnullu piareersimajuarput.
Aningaasaqarnikkut angorusutavit piviusunngortinnissaannut BankNordikimi erniatigut allatigullu qanoq periarfissaqarnerlutit sukumiinerusumik paasisaqarusukkuit nittartakkatsinnut www.banknordik.gl-imut sullissivitsinnulluunniit saaffiginninnissannut tikilluaqqusaavutit.