Apriilip 6-iani 2024 nunanut allanut nuussinernut atatillugu allannguutit uku atuutilersissavagut

• IBAN-normu allanngussaaq
  IBAN-normunni (International Bank Account Number) kisitsisit siulliit sisamat allanngussapput. Taamaattorli registreringsnormut kontonormullu allanngortinneqassanngillat, taamaattumillu nunatta iluani nuussinerit allannguutinit sunnerneqarnaviarnatik. IBAN-normussat/IBAN-normussatit Netbankikkut nassiunneqareerpoq/-put.

• BankNordikip BIC/SWIFT-ia allanngussaaq

  Allannguut taanna ilissi allanut nuussisarnissinnut malunniuteqassanngilaq, akerlianilli nuussiffigineqartarnissassinnut malunniuteqassallutik. Apriilip 6-iata kingorna nunanit allanit kontossinnut nuussisoqarniaraangat BANOGLG2-imut nuussisassapput, tassa BANODKKK atorunnaassaaq. Taamaammat nunanit allanit ilissinnut nuussisoqarnissaa naatsorsuutigigussiuk taakku paasitikkisigit, aammalu fakturassinni nittartakkassinnilu paasissutissat allassimatikkussigit iluarsinissaat eqqaamagisiuk.

• EU-mi akiliinerit piumasaqaatillu allanngortinneqassapput

EU-mi akiliinerit maannamut akeqarsimanngikkaluarput, maajilli 6-iata kingorna nunanut EU-miittunut nuussinerit taakkunanngalu nuussinerit nunanut allanut nuussinertulli akeqalerlutillu piumasaqaatitaqalissapput.

Allannguutinut atatillugu apeqqutissaqaruit uatsinnut attaveqarnissannut tikilluaqqusaajuaannarputit.