Eqqarsaatigaajuk...

Sanaartorniarlutit aalajangivitsinnak eqqarsaatigisassat amerlaqaat. Assersuutigalugu makku eqqarsaatigaagit

• Aningaasaliinertaa ataqatigiilluarnersoq - siunissami illu tuniniassagaluarukku aningaasaliissutitit uteqqissappat?
• Illup nukissamik atuinera nalilertillugu. Illuutinni atuinerpit annertussusaa paasilluarukku iluarsartuussinerit qanoq iluaqutaatigisinnaanerat erseqqinnerulissaaq
• Sanaartorlutit ingerlataqarnerit iluatsillugu allanik aamma iluarsisassaqarnersoq? Ataasiaannarlutit taarsigassarsillutillu ataasiaannarlutit sanaartorfittut tukallusi
• Nammineq sanaartorneq ingerlatissanerlugu imaluunniit qanoq akuutigissanerlutit
• Siunissaq pillugu allanik takorluugaqarnerlutit aamma akissaqartittariaqakkannik? Soorlu immaqa biilit, angallat, aallarnissarluunniit - immaqa uffa illuutit aqqutigalugu tamakku aningaasalersorsinnaassaruttoritit?
• Sanaartorlutit suliaqarnissat massakkut inuunerisannut tulluarnersoq? Assersuutigalugu mikisunik meeraqaraanni suna tamarmi iluarsaallugu nammineq sanaartornissaq ajornakusoorsinnaavoq
• Allannguilluni sanaartornermut taarsiullugu illup tuniniarnissaa nutsernissarlu aamma periarfissaasut?

Bankimut ataatsimiigiartinnak siunnersuutit

Bankimut ataatsimiigiartinnak makku eqqarsaatigereersimanissaat innersuussutigaarput:

• Aningaasat qanoq amerlatigisut pisariaqartippigit? Nammineerlutit sanaartornermilluunniit ilisimasalimmit ikiorneqarlutit illup iluarsartuunnissaanut qanoq akeqarnissaanut missingersuusiorit
• Allanik takorluugaqarpit piviusunngortikkusutannik? Soorlu biilisillutit, angallatisillutit, angalallutilluunniit. Taarsigassarsinissaq pillugu oqaloqatiginninnerit iluatsillugu taakku aamma aningaasalersornissaat eqqartorsinnaavagut.
• Suliariniakkavit qanoq sivisutiginissaa takorloorpiuk? Qaqugu suliaq aallartissava, qaqugu akiligassartai akilissappat, qaqugulu naammassinissaa naatsorsuutigaajuk?
• Sanaartornerup nalaani aningaasaqarnerit qanoq isikkoqassava? Assersuutigalugu allamut nuukkallarlusi illunut marlunnut akilersuigallartussanngussavisi?