Meeqqat internetimilu isumannaatsumik pissusilersorneq
Eqqugassat tupinnaannartut nioqqutillu akikilluinnartut. Ilaatigut tamakku nittarsaallugit uukapaatitsiniartartut meeqqanut inuusuttunullu aningaasanik nuussititsiniaallutillu paasissutissanik inniminartunik pissarsiniartarput.
Uukapaatitsineq aamma allatut ingerlanneqarsinnaavoq. Meeqqat ilaatigut akiliisinneqartarput, pisiartilli tigunngisaannarlugu, aamma pinerlunnikkut aningaasarsianik malunnarunnaarsaanernut ingasattorsuarnut ilanngunneqartoorsinnaasarput. Qujanartumik taamatut uukapaatinneqartartut amerlasoorsuuneq ajorput, kisianni tamatta mianersortariaqarpugut – meerartavullu immikkut sianigisariaqarpagut.
Meeqqanut siunnersuutitsialaat
- Inuit allat aningaasanik nuussissutissanngilatit aningaasanillu tigusissunnagit
- Kodet, bankimi paasissutissaatitit paasissutissaatitillu inniminartut allat allanut tunniutissanngilatit
- Internetikkut kammattaarisimasatit naapinnikuunngisatit tatigivallaassanngilatit
- Internetikkut pisigaangavit pisiniarfiup pisortatigoortumik nittartagaani pisisassaatit
Angajoqqaanut siunnersuutit
Pingaaruteqarpoq angajoqqaat meeqqamik pisinerini nuussinerinilu malinnaalluartarnissaat. Aamma ilissi nammineq kontossinni malinnaalluartarisi, imaassinnaammat illit kortit spil-inut nittartakkanullu meeqqavit atugaanut nalunaarsorneqarsimasut.
Saniatigut aamma aningaasanut tunngasut internetimilu qanoq pissusilersornissaq pillugu meeqqat ammasumik eqqartueqatigisarnissaat innersuussutigaarput. Aamma mianersunngikkaanni qanoq salloqittarneqarsinnaaneq pillugu meeraq nassuiaanneqarsinnaavoq.
Siunnersuutitsialaat allat
sikkerdigital.dk-mut iserlutit meeqqat internetimilu isumannaatsumik pissusilersorneq pillugu siunnersuutinik allanik pissarsisinnaavutit.
