Aningaasaqarneq marlunnut avinneqartussanngoraangat
Ataatsimoorullugu aningaasaqarnersi ingerlassimagussiuk siullertut avittussanngussavarsi. Tassa tamassi immikkut kontoqalerlusi, kortinik nutaanik inniminniillusi, aammalu aapparisap kontoanut netbankianulluunniit pisinnaatitsissuteqarussi taakkua atorunnaarsillugit.
Taamatuttaaq siunissami aningaasartuutit suut peqatigiillusi ingerlattassanerlugit isumaqatigiittussanngussaasi. Soorlu paaqqinnittarfinnut, sunngiffimmi susassanut, mobiltelefoninut, meeqqanullu sillimmasiinernut. Eqqarsaatigissavarsi aamma atukkassi nikinnerisa nalaanni ataatsimoorullugu aningaasartuutigisassaqarnerlusi.
Missingersuusiaq ingerlallugu
Isertitat aningaasartuutillu malinnaavigiuminarsarlugit missingersuusiornissaq innersuussutigaarput. Aallarniutigalugu assersuutigalugu nittartakkatsinni missingersuusiorfissaq immersugassaq atorneqarsinnaavoq, aamma tassaniipput aningaasaqarnerup iluartumik ingerlannissaanut siunnersuutit.
Ileqqaagaqarit - siunissaq takkutiliivippoq
Avissaaqqammerluni soorunami atukkat imaannaaneq ajorput, taamaattorli taarsiornerit qaangiutissaqqaarpoq... immaqa erniinnannguaq takorluuileqqissaatit siunissarlu pilersaarusiulerlugu. Takorluukkat tamakku eqquutsinniarukkit immaqa aningaasaateqalaarnissaq iluaqutaassaaq, taamaammat missingersuusiuleruit ileqqaagaqarnissat ilanngukkiuk.
Qaquguluunniit naatsorsuutiginngisanut ileqqaagaqalaarnissaq iluaqutaajuaannarpoq. Kisimiilluni pilersuisuugaanni aamma aningaasartuutit naatsorsuutigisimanngisat immikkut artukkiisinnaasarput.
