Aningaasaqarnerit ingerlanerliulersimappat
Qaammat naaleraangat kaasarfiit imaqanngitsut kontorlu minuseqqasoq pinngitsoortikkusuppigit?
Aningaasaqarnikkut ingerlanerliulersimagaanni iluarseqqinnissaa ajornartutut isiginarsinnaavoq. Kisianni qujanartumik aqqutissaqarpoq, aningaasaqarnikkut toqqissisimaneq uterfigeqqissinnaavat qamuunalu eqqissiallallutit.
Inissisimaffiit akueriuk, aningaasaqarnikkullu iluarsisassavit ilaat nammineerlutit paasiuminaatsikkukkit iluarsiuminaatsillugillu taava ikioqqunissannut tunuarsimaarniaqinak.
Uagutsinut saaffiginninnissannut tikilluaqqusaajuaannarputit. Eqqaamallugu allat assingusumik atugaqartut siunnersortaratsigit tamakku misilittagaqarfigilluarigut.
Aningaasaqarnermut pitsaanerusumut aqqutissat
1. Aningaasartuutitit suussusersikkit
Aningaasartuutitit tamaasa tulleriiaarlugit allattukkit. Isorisaqarsinnaallutit misissuataakkit, immaqa arlaat annikillisinneqarsinnaaruttortut.
2. Akikinnerusunik periarfissarsiorit
Pisartakkat, sillimmasiinerit allallu akikinnernik taarserneqarsinnaanersut misissoruk.
3. Ilumoorit
Qanigisannut tamakku ammasumik oqaatigisinnaagukkit oqilisaataasinnaavoq.
4. Ileqqaagaqarit
Qaammatit tamaasa aningaasartuutinut naatsorsuutigisimanngisannut ileqqaagaqarit. Eqqaamallugu annikikkaluamik ileqqaagaqarluni iluaqutaasinnaammat.
5. Anguneqarsinnaasunik anguniagaqalerit
Immaqa nunanut allanut angalanissat unitsikkallarlugu, aningaasaqarnerit aqunniarsareqqaarlugu. Neriniartarfiit, atisarsiniarneq, allanillu pileritsaallugillu piseriataartarnerit unikaallatsinniarsarigigit - aningaasaativit aqulernissaat eqqarsaatiginerullugu.
Annikitsunnguit katiterlugit angisuunngorsinnaapput
Qaammammut annikitsunnguamik ileqqaagaqaraluarlutit angusaqarniarninni iluaqutigisinnaassaqaatit.
Aajuku assersuutit pingasut:
- Qaammammut 150 kr. ileqqaartarukkit, ukioq ataaseq qaangiuppat 1.800 kr.
- Qaammammut 250 kr. ileqqaartarukkit, ukioq ataaseq qaangiuppat 3.000 kr.
- Qaammammut 400 kr. ileqqaartarukkit, ukioq ataaseq qaangiuppat 4.800 kr.
Ileqqaakkanut naatsorsuuterput misilinniariuk, tassani takussavat annikikkaluamik ileqqaagaqaraanni piffissap ingerlanerani qanoq annertutigilersinnaanersut.
