Bankivimmut tikilluarit
– Peqatigiilluta suli allanik pilersitseqatigiitta
Atertaarnissatsinnut ikioqqugatta siunnersuutinik 3000-inik tunivatsigut. Taakkunannga ateq ataaseq toqqarparput, taannalu tulluusimaarutigalugulu nuannaarutigeqaarput: Bankivik.
Qujanarujussuaq ikiuinissinnut, qujanarlu nutaaliorusunnitsinni eqeersimaarlusi peqatigigatsigut.
Soormita Bankivik?
Filmimi uani tunngavilersuinerit ilaat takusinnaavasi, Bankivik-mik siunnersuuteqartut isummersortilaaratsigit
Ateq nutaaq. Bankili taannaaginnassaaq
2010-mili BankNordik inuiaqatigiinni akuusimavoq. Tamanna qujamasuutigaarput. Ukiut ingerlanerini sullitanik pitsaasunik attavissarsisimavugut pikkorissunillu sulisoqalersimalluta – ilannguilu aallartikkattali ilaasimapput.
Naak maanna Bankivimmik ateqaleraluartugut banki allanngornavianngilaq, suli pingaartitat ajunngitsut, siunnersuineq pitsaasoq, ajunngitsumik sullinneqarneq unammillersinnaalluartunillu akigititaqarneq attatiinnassavagut.
Bankimi siunnersortigisat nalunngeriikkat siunnersortigiinnassavat. Banki allanngulinngilaq. Ateq nutaajuvoq. Illit pillutit suli allanik pilersitsinissarput qilanaaraarput – illit suleqatigalutit.
”Atertaarput – Bankivik – sullitat uatsinni misigisartagaannik ilaatigut oqaluttuartuuvoq. Banki eqqortumik torersumillu periuseqartoq, banki piviusoq – ilisarnaatit taakku sullitatsinnut, suleqatitsinnut inuiaqatigiinnullu qanoq periuseqarnitsinni pingaartitatsinnut attuumassuteqarluinnarput. Neriuutigaarput atertaarnitsinni sullitat suleqatiginerat ajunngeqisoq suli annerusumik pitsanngorsarlugulu nukittorsarsinnaassallugu, taamaammallu sullitavut suli allanik pilersitseqatigisinnaassallugit”.
Turið F. Arge
Pisortaaneq
Bankimi siunnersortigisat nalunngeriikkat siunnersortigiinnassavat. Banki allanngulinngilaq. Ateq nutaajuvoq. Illit pillutit suli allanik pilersitsinissarput qilanaaraarput – illit suleqatigalutit.
