Sullitat naliliisinneqartarnerat

Arlaannik pitsanngorsagassaqartuaannarpoq

Bankivimmi pitsanngorsaajuarneq aalluttuagaraarput. Sullitavut suliaqarnitsinni qitiummata sullissillaqqinnerpaajujumalluta taakkua isummersornissaat naliliinissaallu assut pingaartittarparput.

Misissuinermik suliaqartartunik suleqateqarpugut, taakkulu piffimmit piffimmut misissuillutik sullitavut naliliisittarpaat, assigiinngitsunik apersorlugit. Taamaammat bankimi sullitaaguit imaassinnaavoq apersorneqarumallutit suleqatigisatsinnit e-mailikkut allagarsisutit. Misissuinerni ilaatigut bankimit sullinneqarnerit nalilersoqqussavaat, banki allanut innersuussutigisinnaanerit; aammalu aningaaserivittut illit piumasaqaatitit naatsorsuutigisatillu naapertorlugit sullisseriaaseqarnersugut.

Allagarsiguma ilumut uukapaatitsiniartuunnginnersut qanoq paasissavara?

Tamatta misiginikuugunarparput e-mailikkut SMS-ikkullu allagarsilluta aningaasarpassuarnik kingornussisimalluta, unammisitsinermi eqquisimalluta, suliffeqarfimmiluunniit aningaasanik pisassaqarluta. Tamakkua ilarpassui uukapaatitsiniartartuneersuusarput paasissutissanik inniminartunik pissarsiniartunit, soorlu MitID-mut bankinnulluunniit tunngasunik pissarsiniartunit. Taamatut uukapaatitsilluni paasissutissanik pissarsiniarneq aamma ”phishing”-imik taaneqartarpoq.

Phishing atugaaqimmat inuit ilisarinngisaminnit allagarsigaangamik mianersorlutillu qularlutillu qisuariartarput – tamannalu pissusissamisuuginnarpoq. Sullitavut uatsinnit suleqatitsinnilluunniit allagarsigaangata nalorninartoqanngisaannarnissaa pingaartitaraarput. Taamaattumik nassiussigaangatta qanoq periuseqartarnissarput suleqativut peqatigalugit eqqumaffigalugulu suliniuteqarfigiuarparput.

Misissuinermi peqataaqquneqarlutit e-mailikkut allagarsigaangavit ukua ilisarnaatigisassavaat:

• Suleqatigisatta e-maili nassiuttarpaat. Taamaammat suleqatitta aqqa nassiussisutut allassimasarpoq, Bankivimmillu ilaqarneq ajorpoq.
• Immersugassamut linki e-mailip iluaniittarpoq. Linki takisuujusinnaavoq naqinnernik kisitsisinillu assigiinngitsunik imaqarluni, apersorneqartut tamarmik immikkut nassinneqartarmata linkitaa takisuujusinnaasarpoq.

Allagarsissaguit neriuppugut misissuinitsinni peqataarusussasutit – taamaasillutillu ilisimasannik tunniussinikkut pitsaanerpaamik sullisseriaaseqarnissatsinnut ikiorluta.

Misissuinermi peqataarusunngikkuit allagarsiat akinngiinnarsinnaavat, imaluunniit tuugassaq “peqataarusunngilanga” allagarsianniittoq toorsinnaavat.

Bankiviup uku suleqatigai:

NPS Today
NPS Today pillugu paasisaqarnerorusukkuituna tooruk.

Ennova
Ennova pillugu paasisaqarnerorusukkuit una tooruk.

Apeqqutissaqaruit tutsaqaannarina

E-mailikkut allagarsisimallutit apeqqutissaqaruit - arlaannilluunniit oqaasissaqaruit, naqqiuteqarniaruit, apeqqutinut siunnersuutissaqaruit, nersualaarinninniaruit isorisassaqaruilluunniit – qaquguluunniit tutsaqarnissannut tikilluaqqusaavutit.