Bankimit allamit nuugit – suliap ingerlarnga ima pisarpoq

1. Attavigissavatsigut siunnersortimillu ataatsimeeqateqarumallutit inniminniillutit. Ataatsimiinneq sioqqullugu aningaasaqarninnut tunngatillugu paasissutissat apeqqutigisagut nassiuteriissavatit. Aammattaaq internetikkut immersugassamik immersuissaatit, kinaassutsinnillu uppernarsaammik nassilluta.
2. Ataatsimiinnermi siunnersortillu isumaqatigiissutigissavarsi kontot, kortit, taarsigassarsiat allalluunniit suut pisariaqartinneritit.
3. Uagut suliaq ingerlateqqissavarput, kontot allallu isumaqatigiissutigineqarsimasut pilersillugit, tamakku nalinginnaasumik ullormit ullormut pisarput.
4. Tamatuma kingorna isumaqatigiissutit nutaat digitalikkut atsiussavatit MitID atorlugu. Piareerpata e-mailikkut/sms-ikkut nalunaarfigineqassaatit, tamatumalu kingorna netbankitaannut mobilbankitaannullu iserlutit kontotaatit takusinnaalissavatit. Ilaanneeriarlutik allagaatit ataasiakkaat assammik atsiugassaasarput.
5. Sapaatip akunnialui qaangiuppata kortissatit akiliutit allakkatigut tigussavatit. Kortit atulersinneqassapput atorneqarlutillu. Innersuussutigaarput aningaasat kontotoqqanninngaanniit nammineerlutit nuussagitit, nuunneq qaqugukkorpiaq pinersoq illit ilisimaniassagakku, taamaasillutillu suliap ingerlanerani tassanngaannaq kontoqanngitsutut inissisimannginniassagavit. Pinkode netbankimi takusinnaavat. Eqqaamallugu kortitoqqat aqqutigalugu pisartagaqaruit tamakkunani kortip paasissutissartai allanngortittariaqassagakkit, soorlu ukunani: Tusass, MobilePay internetikkullu isiginnaagassiani tusarnaagassianilu.
6. Kortitaat atulersimagit takoriarutsigu atsiugassamik nassissavatsigit, “kontot nuunnissaannut qinnuteqaammik” (“anmodning om overførsel af konti”), atsioreerukkulu siornatigut bankerisimasannut nassiutissallugu. Taamaaligutta aamma Nemkonto atulersissavarput, kiisalu Betalingsservice aqqutigalugu isumaqatigiissutitit uatsinnut nuullugit. Kontomit kontomut allamut aalajangersimasumik nuussititsisarsimaguit taakku netbankitaanni aaqqissuuteqqinnissaat eqqaamassavat.

Siornatigut bankerisanni isumaqatigiissutivit atorunnaarsinneqarsimanissaat, aningaasallu sinneruttut kontotaannut nuunneqarsimanissaat isumannaassavarput.
Maanna uatsinni sullitanngorputit.
Tassa taama ajornanngitsigaaq. Tikilluarit!

Suliaq qanoq sivisutigisarpa?

Ullualuit ingerlanerini sullitatut nalunaarsortissinnavutit, kortissallu nutaaq nalinginnaasumik ullut 14-it ingerlaneranni allakkatigut apuuttarpoq.
Bankimit bankimut nuunnerup ingerlarnga tamakkiisumik isigalugu sapaatip-akunneri arfinillit tungaannut sivisutigisinnaasarpoq, assersuutigalugu taarsigassarsiat soraarnermusiassanullu ileqqaakkat allallu nuunniarukkit, ilaatigullu massakkut bankerisat aamma apeqqutaasarpoq.
Suliap ingerlanerata nalaani nalunaarfigineqartassaatit, apeqqutissaqaraangavillu uatsinnut attaveqarnissannut tikilluaqqusaajuaannarlutit. Tlf. 347900-imut sianersinnaavutit netbankikkulluunniit allaffigaluta.