Dansk

Qanoq ateqalissaagut? Immaqa siunnersuutissaqarputit, taannalu assorsuaq tusarusupparput. Uuma ataani atissarsiorluta unammisitsinitsinnut peqataasinnaavutit.

Atissatsinnut piumasaqaatit

Siunnersuutissat nassiunneqartussat pillugit imatut piumasaqaateqanngilagut. Soorunami kissaatigaarput immikkut ittumik, kalaallisut ateqalissalluta, allakkuminartumik taajuminartumillu, minnerunngitsumillu kikkuunitsinnik oqaluttuartumik.
Kikkulluunniit atissarsiorluta unammisitsinitsinnut peqataasinnaapput, ajugaasorlu 10.000 kr.-innassaaq.
Ulloq 25. augustip tungaanut siunnersuutinik nassiussisinnaavutit.

Unammisitsinitsinni dommerigut aajuku

Naja Paulsen: 1959-imi Napasumi inunngorpoq. Tusagassiortutut ilinniarsimasuuvoq, Ilisimatusarfimmilu Tusagassiornermik Ilinniarfimmi ningiuunikuulluni. Ilaatigut KNR-ip siulersuisuini kiisalu Kalaallit Nunaanni Tusagassiuutit pillugit Aaliangiisartuni ilaasortaasimavoq.

Pivinnguaq Mørch: 1993-imi Upernavimmi inunngorpoq. Atuakkiortutut ilinniartitsisutullu sulivoq. Ilaatigut Nunat Avannarliit Siunnersuisoqatigiivisa Atuakkianut Nersornaataannut innersuunneqarnikuuvoq.

Arina Kleist: 1986-imi inunngorpoq, Uummannamilu Qaqortumilu peroriartorpoq. Attaveqaqatigiinnermut tunngasumik ilinniagaqarpoq ukiorpassuarnilu attaveqaqatigiinnermut pilerisaarinermullu tunngasunik suliaqarsimalluni. Massakkut namminersorluni suliffeqarfimmik ingerlatsisuuvoq.