Nukissamik atuinikillisaaneq
Illuutinni inissiaatinniluunniit nukissamik atuinikillisaanikkut aningaasatigut sipaagassaqarsinnaavutit. Assersuutigalugu illut amerlanerpaat kialaarnerat iikkakkut aniasarpoq, igalaallu ukiut qulit sinnerlugit pisoqaassuseqarpata taarsigassanngorsimanissaat ilimanartupilussuussaaq.
Soormita nukissamik atuinikillisaassaagut?
Illu nukissamik atuinikillisaavigigukku kiassarnermut akiligassatit annikillissapput, tamannaannaanngilarli - aamma illup ilua silaannarinnerulissaaq. Illup energimærkea aamma pitsanngoriartinneqassaaq, tamannalu siunissami illu tuniniassagaluarukku iluaqutigissavat.
Makku angorusukkukkit nukissamik atuinikillisaaneq aqqutissaavoq:
- Kiassarnermut akiligassat appartikkusukkukkit
- Illup ilua silaannarinnerulissappat
- Energimærke pitsaanerulersinniarukku
Nukissamik atuinikillisaanermik aningaasaliineq
Illup nukissamik atuinera millisikkumallugu suliariniarukku aningaasaleeriaatsit arlaqarput. Pingaarnertut apeqqutaassaaq piginneqatigiilluni inissiaanersoq imaluunniit piginerit, aammattaarlu akiitsut saniatigut illu naleqarnersoq - taamatuttaarlu soorunami aningaasaqarnikkut illit qanoq inissisimanerit.
Illut akiitsut saniatigut naleqarpat tapiliussamik taarsigassarsisinnaavutit. Aamma boligkredit imaluunniit piginneqatigiilluni inissiamut taarsigassarsineq periarfissaapput.
