Illumik tuniniaaniaruit siunnersuutit
Tuniniaanialersaaruit bankimi siunnersortigisat oqaloqatigalugu tuniniaaneq pitinnagu kingornalu aningaasaqarnerpit qanoq isikkoqarnissaa eqqartorukku iluaqutigisinnaavat. Immaqa ilaatigut eqqarsaatigisimanngisannik periarfissaqarlutit paasissavat.
Tuniniaaniarlutit aalajangereeruit pitsaanerpaamik illumik tunisinissannut siunnersuutissarpassuaqarpoq. Siunnersuutissavut pitsaanerpaat aajuku:
- Illumik tuniniaasartukkoorlugu tuniniaaniaruit tuniniaasartunut arlalinnut neqeroorfigeqqugina, akiliutitassaalu isumaqatigiissutigalugu. Aamma illoqarfigisanni kina tuniniaallaqqinnerunersoq misissorlugu iluaqutaasinnaavoq
- Illup akissaanut sunniuteqaqataassaaq qaqugu tunerusunnerit. Assersuutigalugu pisisussap pitsaanerusup takkunnissaa utaqqisinnaaviuk, tuaviorpallaanngitsumik tunigukku akiata qaffannissaa ilimagisinnaaviuk?
- Sapinngisamik illumi/inissiamiluunniit annertuunik iluarsisassaqarpat pitsanngorsaqqaarigit
- Isorisassarsiorlutit ini misissoruk - silataani iluanilu kusanarlunilu orniginarpasippa? Immaqa ikinngutivit nalunngisavilluunniit "isit allat atorlugit" alakkarsinnaavaa, tuniniaanissamilu iluaqutigisinnaasannik siunnersorlutit
- Illu alakkarneqartinnagu illu eqqiarluarlugulu torersarluartaruk
Internetimi allanik isumassarsiorsinnaavutit - illup tuniniarnissaanut piareersarnissamut siunnersuutissanik ulikkaarpoq.
