Katilluta najorlutaluunniit

Katinneq imaluunniit katissimanani najorneq aningaasaqarnermut assorsuaq sunniuteqartarpoq. Pissutigalugu katinnermi aningaasaqarnikkut pisussaaffiit atukkallu allannguivigineqartarmata.

Aappariittut inooqatigiikkussi ajutoortoqariataassagaluarpat, aapparisarluunniit napparsimalerpat toqulluniluunniit aappaa arlaatigut sillimmammik isumalluutissaqarneq ajorpoq. Assersuutigalugu makku qanoq pissappat:

• Illu marluullusi pigisarsi - aapparisaq toquppat qimagaasoq kiserngorulluni tassani illumiiginnarsinnaassava?
• Soraarnermusiassatut ileqqaakkat inuunermullu sillimmasiinerit - taakku qanigisanut qaninnernut tuttarput, aatsaallu aapparisamut tussallutik immissinnut salliutitatut nalunaarsorsimagussi, imaluunniit ukiut marluk sinnerlugit najorsimagussi, imaluunniit meeraqarussi meerartaartussaallusiluunniit.
• Immikkut meeraqaraanni, aammalu meeraqaqatigiilluni - kingornussinissamut inatsisit qanoq ippat?
• Annertuunik akisuunilluunniit piseqatigiissimagussi qanoq pissappat, soorlu biilinik pequtinilluunniit akisuunik?

Innersuussutigaarput immissinnut isumannaarumallusi advokatimik oqaloqateqarnissarsi, immaqa testamenteliorlusi imaluunniit piginneqatigiinnermik isumaqatigiissusiorlusi.