Qitornat sillimmasernikuuiuk?

Ajutoortoqariataassagaluarpat sillimmasersimaneq pingaaruteqarpoq. Sillimmaserluarsimagussi illit qitornatillu arlalitsigut toqqissisimanerusutut misigisarsinnaavusi, ingammik inuunermi aqqusaagassat ilaanni.

Piffimmiit piffimmut sillimmasiinerit atukkat misissulaartarnissaat innersuussutigaarput, atugarisasi malittaralugit tulluarsartuarlugit. Assersuutigalugu meeqqasi amerlisimappata, aammalu meeqqat alliartortillugit pisariaqartitaat allanngorartarmata.

Ajutoorsinnaanermut sillimmasiineq

Sianiginiariuk illit qitornatilluunniit arlaatigut ajutuussagaluarpat ajutoorsinnaanermut sillimmaserneqarnissarsi. Taamatut sillimmasersimagussi arlarsi ajutoorluni inuunermi sinneranut innarlerneqassagaluarpat taarsiivigineqassaaq, aammalu ajutooreerluni suliarineqarnissamut aningaasatigut tapiivigineqassalluni.

Meeqqatit aamma meeqqanut ajutoorsinnaanermut sillimmasersinnaavatit, ulloq unnuarlu atuuttumik. Meeqqasi tamarmik sillimmasiinermut ataatsimut nalunaarsorneqarsinnaapput, pingaaruteqarporlu meeqqat tamarmik aqqi sillimmasiinermi nalunaarsorsimanissaat.