Ilinniartuutigut naapikkit
Sara Arilu naapikkit. Bankimi ilinniartuupput, 2022-milu septembarimi naammassisussaallutik.
Bankivimmi aningaasarsiornermut tunngasunik ilinniagaqarneq qanoq misigisaqarfigisimaneraat uani paasisaqarfigisinnaavat.
Sara Aviaja Egede
Ukiorpassuarni bankimi siunnersortinngornissara takorloortarsimavara, Bankivimmilu ilinniartunngorniarlunga aalajangerama isumaqarpunga pitsaanerpaamik aalajangiussillunga. Aallartikkamali tamarmik ilassilluartorujussuuaannga, naatsorsuutigisimasakkalu tamarmik piviusunngorput. Suligaangama ullup imarisarpaa ilinniarneq ineriartornerlu, Nuummi immikkoortortaqarfitsinni suleqatikka pikkorissut ilagalugit – aammalumi suleqatit Danmarkimiittut Savalimmiuniittullu peqatigalugit. Ilinniakkama ilagisarpaat systemit assigiinngitsut, suleqatigiinneq, sullitanut ataatsimiisitsinerit, suliassallu pissanganartut allat, aamma sorpassuarnut akisussaaffilerneqartarpunga. Bankivimmi ilinniartuuneq allanut innersuussutigilluinnarpara.
Ingerlatseqatigiiffimmi anginngitsumi annertuumik sunniuteqaqataagit
Suleqatigilerniartigut. Suliffitsinni aalajangiiniarnerit pisariitsumik pisarput, ineriartortuarnissaq tunaartaralugu ingerlasuuvugut, suleqatigiittullu ataqatigiilluartuulluta.