Inuiaqatigiit
Suliffeqarfitta Nunanut Avannarlernut allanut siammariartornerani inuiaqatigiinni najuuffigisatsinni tamani pisuni assigiinngitsuni, timersoqatigiiffinni, kulturikkullu aaqqissuussinerni tapersersuisarnissarput aallutaraarput. Inuiaqatigiinni suliniutivut ataani paasisaqarfiginerusinnaavatit.
Bankiviup inuiaqatigiinni atuuffia
Bankivik aningaasanik pisassaqartitsisuunermigut, aningaaserinikkut siunnersortaanermigut aningaasaqarnikkullu kiffartuussisuunermigut inuiaqatigiit aningaasaqarniarnerannut assorsuaq pingaaruteqarpoq. Ullut tamaasa sullitavut oqilisaavigiumallugit makku neqeroorutigisarpagut:
-
Illuutitaarnissaminnik takorluuisunut taarsigassarsisitsineq
-
Siunissaq isumannaarumallugu pensionimut ileqqaagaqarnissamullu periarfissat
-
Aningaasaqarneq malinnaavigiuminarsarlugu nuussinerillu pisariillisarumallugit kortit akiliutit netbankilu
-
Inunnut aningaasaqarnermut tunngasunik siunnersuineq, bankimi sulisut piginnaasaasa atorluarneritigut
Oqarsinnaavugut Bankivimmi sullitavut akuuffigalugit; siunissami atugarissaarnissaat sulissutigaarput, inuuneranni pingaarutilinnik pisoqaraangat aalajangiisinnaalluarnissaannut ikiortarpavut, akiligassallu piffissaq eqqorlugu suliarineqarnissaat qulakkeertarlugu. Aamma suliffinnik pilersitsinikkut, akileraarutitigut, inuiaqatigiinnilu suleqateqarnikkut naleqarnerulersitsisarpugut.
Aningaasanik tapersiinerit
Nalunngilarput kulturikkut timersornikkullu suliniaqatigiiffiit inuiaqatigiinnut qanoq pingaaruteqartiginersut, taamaammat inuiaqatigiit iluanni suliniutit assigiinngitsorpassuit Bankiviup tapiiffigisarpai. Kulturikkut timersornikkullu peqatigiiffiit suliniutillu allat tamalaanut saaffiginnillutik utoqqarnut inuusuttunullu susassaqartitsisut tapersersornissaat Bankivimmi pingaartipparput. Tapersersorneqartup bankillu tapersiineq arlaatigut iluaqutigisussaavaat, siunertaalu Bankiviup pingaartitai malillugit tunngavilersorneqarsinnaassalluni. Bankiviup pingaartitai tassaapput: piginnaaneqarneq, akuuneq, sunniuteqarnerlu. 2016-imi Bankiviup inuiaqatigiinni suliniutinut tapiissutai katillugit 3.6 mio. kr.-upput, tapiiffigineqartut tassaallutik timersornikkut, kulturikkut, peqatigiiffeqarnikkut ikiuiniarnikkullu suliniutit.