Angallatisinnginninni siunnersuutitsialaat
Angallateqarpit, imaluunniit angallatiserusuppit?
Angallateqarneq kiffaanngissuseqalersitsisarpoq, nunattalu kangerluppassuini sineriaanilu puigunaatsorpassuarnik misigisaqarnissanik periarfissiisarluni. Angallatisineq aningaasaliinerusarpoq annertooq, ukiorpassuarnilu aningaasaqarninnut sunniuteqarsinnaalluni, aammattaarli angallateqaraanni isumannaallisaanikkut akisussaaffiit maleruarnissaat pingaaruteqarluinnarpoq. Isumannaallisaanermut atortut eqqortut pigivigit? Inatsisit malillugit piumasaqaatinik maleruaappat? Ajoqusersimanak angerlaqqittarnissat qanoq qulakkeersinnaaviuk?
Imaani isumannaallisaaneq pillugu webinari takuiuk?
Siunnersuutissarpassuit tassaniipput, angallammi atortorissaarutit pillugit, ajutoornissamik pinngitsoortitsinissaq pillugu, ajutuussagaluaruit qanoq iliussanersutit, allarpassuillu.
Webinari qallunaatut ingerlanneqarpoq.
Isumannaallisaaneq
Angallammik ingerlatsisutut isumannaatsuunissaq illit akisussaaffigivat. Isumannaallisaanermut atortut eqqortut pigivigit, inatsisillu malillugit piumasaqaatinik maleruaappat? Atortut suut pisariaqarnerat, qanorlu ajutoornerit pinaveersaarnissaat kiisalu ajutooraanni qanoq iliortoqarsinnaaneranik paasissutissiissutinik pissarsiarisinnaasannik peqarpoq.
Angallatisinissat takorloorpiuk?
Aningaasalersornissaa oqaloqatigiissutigisigu