Kortinnut ikiuutit
Ilitsersuut
Kortimik matutitsineq, ammartitsineq, inniminniinerlu
Imatut kortit matutissavat
Kortit tammarsimappat piaarnerpaamik matutissavat.
Nammineq iluarsisinnaavat, aamma sianerfigisinnaavatsigut
Netbankikkut Mobilbankikkulluunniit nammineerlutit kortit matutissinnaavat. Aamma uatsinnut Netsimulluunniit saaffiginnissinnaavutit.
Bankip ammanerata nalaani bankip matutitsineq
- Sianerfissaq: 34 79 00
Ataas. - sisa. nal. 9:30 - 15:30
Tallimanng. nal. 9:30 - 15:00 - Immikkoortortaqarfiup ammanerata nalaani ornigullutit saaffiginnissinnaavutit
Ataas. - sisa. nal. 9:30 - 15:30
Tallimanng. nal. 9:30 - 15:00
Bankip matoqqanerani kortimik matutitsineq
- Dankort, Visa/Dankort, hævekortiluunniit matutinniarukku
Telefon: +45 44 89 29 29 - MasterCard matutinniarukku
Telefon: +45 44 89 27 50
Nets sianerfigigukku apeqqutit uku apeqqutigineqassapput:
- Atit
- Najukkat
- Aningaaserivigisat
- Kortip normua, kontonormu imaluunniit inuup normua
Taava kortit matussavaat, atorsinnaajunnaarsillugu. Kortit atornerlunneqarsimappat tammarsimappalluunniit ingerlaannaq matutissavat.
Kortitaarsimaguit ima atulersissavat
Sianerlutit ammassavat:
- Nets Kortaktivering sianerfigissavat, tlf. +45 44 89 73 50
- Kortip normua toortaruk (kortip saqqaaniittoq, kisitsisit 16-iusarput) - naggataatigullu # tooruk.
- Ammarnissaanut normu tallimanik kisitsisitalik toortassavat imaattoq: Siullermik 0 (noor'lu) tooriarlugu CPR-normunni kingulliit sisamat allassavatit. Naggaserlugu # tooruk.
Naammassiguit oqarfigineqassaatit "Kortet er nu aktiveret" (korti ammarneqarpoq).
Kortitaaraangavit pingaaruteqarpoq piaartumik ammarneqartarnissaa. Inortorukku kortit atorunnaarsinneqassaaq, sillimmasiinernillu ilanngussivigisimagukku taakku atuukkunnaassapput.
Kortitaarnermi eqqaamasassat
- Kortimi paasissutissat allassimasut eqqortuunersut eqqumaffigissavat
- Kortit tigugukku ingerlaannaq atsiussavat
- Internetikkut nets.eu/sikkernethandel iserfigeriarlugu Mastercard Secure Code imaluunniit Verified by Visa ilannguffigiumallugu nalunaassaatit
- Kortitaarnikuugavit kortip normua allanngorpoq - taamaammat arlaatigut korti atorlugu pisartagaqaruit kortip normuata allanngornera nalunaarutigissavat, soorlu assersuutigalugu Tusass, Netflix, Spotify assigisaallu.
Kortimik inniminniigit
Immersugassaq ataaniittoq immersoriarlugu bankimut tunniukkiartoruk. Qinnuteqaatit piaarnerpaamik suliarissavarput.
Akiitsorsinnaanermik naliliineq nalinginnaasoq piumasaqaataavoq.
Apeqqutigineqarajuttut
